Құрметті достар, блог қонақтары мен оқырмандары!

Менің блогыма қош келдіңіздер, онда сіздер «ҚазАгро» ұлттық басқарушы холдингі» АҚ компаниялар тобының қызметіне қатысты барлық сұрақтарыңызды қоя аласыздар.

Ең алдымен, «ҚазАгро» холдингінің қызметі АӨК-де мемлекеттік саясатты іске асыруға, оның ішінде азық-түлік қауіпсіздігін қамтамасыз етуге және ауыл экономикасының тұрақты дамуына бағытталғанын атап өткім келеді.

Ол үшін Холдингтің АӨК субъектілерін қолдау құралдарының қажетті спектрі бар.

Қазіргі уақытта Холдинг құрамына «Азық-түлік келісім шарт корпорациясы» ҰК» АҚ; «ҚазАгроҚаржы» АҚ; «Аграрлық несие корпорациясы» АҚ; «ҚазАгроӨнім» АҚ; «Ауыл шаруашылығын қаржылай қолдау қоры» АҚ кіреді. Осы компаниялардың әрқайсысы агроөнеркәсіп кешенінің өндірістік және сервистік инфрақұрылымын одан әрі дамытуды жүзеге асыра отырып, АӨК субъектілерінің  -  шағын фермерлерден бастап ірі ауыл шаруашылығы тауарын өндірушілерінің қажеттіліктеріне сәйкес мемлекеттік аграрлық саясаттың міндеттерін шешуге бағытталған.

Ауыл бизнесі экономиканың қозғаушы күші болуы тиіс. Қазақстан Үкіметі қолайлы инвестициялық ахуал қалыптастыру және АӨК саласын дамыту үшін барлық күш-жігерін жұмсауда. Бұл АӨК саласында бәсекеге қабілетті өнім өндіру жөніндегі кәсіпорындарды құру үшін жаңа технологияларды тартуға, озық тәжірибе мен білімге мүдделілігін растайды.

«ҚазАгро» холдингі әрдайым сындарлы диалог үшін ашық. Осы блогтың мүмкіндіктерінің арқасында біз мемлекеттік қолдау алуда кездесетін сұрақтарды талқылау үшін алаң құрамыз және оларды шешу жолдарын таба аламыз деп үміттенеміз.

Біз сізді қысқа мерзімде қажетті ақпаратпен қамтамасыз етуге тырысамыз және сіздің барлық ұсыныстарыңыз бен тілектеріңізді талқылауға дайынбыз!