Қымбатты достар!

«Азаматтарға арналған үкімет» мемлекеттік корпорациясының қызметіне қатысты мәселелерді талқылауға арналған менің блогыма хош келдіңіздер.

«Азаматтарға арналған үкімет» Қазақстан Республикасындағы мемлекеттік қызметтердің бірыңғай провайдері ретінде жеке және заңды тұлғаларға «бір терезе» және «бір өтініш» қағидаты бойынша мемлекеттік қызметтер көрсету саласындағы қызметтерді жүзеге асырады.

Біз халыққа мемлекеттік қызмет көрсетеміз, жеке және заңды тұлғалардың міндетті мемлекеттік тіркеуге жатпайтын жылжымалы мүлік кепілін тіркейміз, ғимараттарды, құрылыстарды және (немесе) олардың құрамдастарын техникалық тексеруден өткіземіз, мемлекеттік жер кадастры, зейнетақы және әлеуметтік қамтамасыз ету желісі бойынша қызметтер көрсетеміз.

Сіздер осы платформада пікір алмасып, ұсыныстар беріп, жоғарыда айтылған бағыттар бойынша өзіңізді қызықтыратын сұрақтар қоя аласыз. Бұл блог мемлекеттік қызмет көрсету саласының деңгейін барынша жақсарту мақсатында азаматтар мен мемлекеттік органдардың арасындағы коммуникацияның тағы бір арнасы болады деп үміттенемін.