Құрметті әріптестер! Сіздермен «Ашық диалог» порталында сұхбаттасатыныма қуаныштымын!

Ы. Алтынсарин атындағы Ұлттық білім академиясы — білім берудің заманауи парадигмасын ілгерілету үшін барлық мүдделі тараптардың күш-жігерін шоғырландыратын, озық отандық және шетелдік тәжірибені ескере отырып, ұлттық білім беру жүйесін дамытуды ғылыми-педагогикалық, әдіснамалық және оқу-әдістемелік жағынан қанымдауды қамтамасыз ететін республикалық ғылыми-педагогикалық орталық.                                                                                                                                   

Академияның негізгі мақсаты білім берудің дәстүрлі практикасын жаңартуды қамтамасыз ету, білім беру саласындағы ғылыми зерттеулердің нәтижелілігі мен оқыту және тәрбиелеу процесін оқу-әдістемелік жағынан қолдау сапасын арттыру болып табылады.

Академия білім беру жүйесінің өзекті мәселелерін талқылауға ғылыми, педагогикалық, ата-аналар қауымдастығын, жергілікті атқарушы органдарды, БАҚ, үкіметтік емес ұйымдарды кеңірек тартуға мүдделі. 

Ұйым басшысы ретінде мен диалогқа ашық қатысамын және сіздің барлық сұрақтарыңызға жауап беруге дайынмын.