Томпиева С.Е.

ҚР КМ Азаматтық авиация комитетінің төрағасы

Томпиева Салтанат Еркінқызы

Комитет Төрағасы

Жалпы ақпарат, білімі

1977 жылы Қарағанды қаласында дүниеге келген.

Е.А. Бөкетов атындағы Қарағанды мемлекеттік университетін «Халықаралық экономикалық қатынастар» мамандығы бойынша, Тулуза бизнес-мектебін (Франция) авиациялық-ғарыштық менеджмент саласындағы іскерлік әкімшілендіру магистрі дәрежесімен тәмамдаған. Сондай-ақ, Азаматтық авиация менеджменті бойынша ИАТА халықаралық әуе көлігі қауымдастығында білім алған.

Мансап

Азаматтық авиация саласындағы еңбек жолын 1998 жылдан бастап Азаматтық авиация комитетінің авиациялық қауіпсіздік секторының жетекші маманы болып бастады.

1999-2008 жылдар аралығында стратегиялық жоспарлау бөлімінің, авиациялық қызметтер нарығын қалыптастыру бөлімінің, әуежайлар қызметін реттеу басқармасының, әкімшілік-құқықтық жұмыс және халықаралық қатынастар бөлімінің бас маманы болып жұмыс істеді.

2008 жылдан 2012 жылға дейін Әуе кеңістігін пайдалану басқармасының, Халықаралық стандарттарды енгізу басқармасының, Халықаралық қатынастар басқармасының бас сарапшысы ретінде еңбек етті.

2012 жылдан бастап 2019 жылға дейін Халықаралық қатынастар және авиациялық тасымалдар басқармасының басшысы және авиациялық тасымалдардың бас мемлекеттік авиациялық инспекторы қызметтерін атқарды.

2019 жылдан 2022 жылға дейін Азаматтық авиация комитеті төрағасының орынбасары қызметін атқарды, ішкі және халықаралық авиатасымалдарды, халықаралық ынтымақтастықты, авиация саласындағы мемлекеттік саясатты, қаржы және кадр қызметтерін қадағалады.

2022 жылдан бастап «Қазақстанның авиациялық әкімшілігі» АҚ Бас директорының орынбасары болып жұмыс істеді.

2024 жылғы ақпан айынан Қазақстан Республикасы Көлік министрлігі Азаматтық авиация комитетінің төрағасы болып тағайындалды.