Нұрғалиев Е.Ж.

ҚР ЕХӘҚМ Еңбек, әлеуметтік қорғау және көші-қон комитетінің төрағасы

1975 жылы Семей облысының Жарма ауданындағы Михайловка ауылында туған, ұлты – қазақ. Білімі жоғары. Экономика және бизнес магистрі.

Қ. Жұбанов атындағы АӨМУ, Семей қаласының Шәкәрім атындағы Семей педагогикалық институты, Қазақстан инновациялық гуманитарлық – заң университетін бітірді.

Еңбек жолын 1994 жылы Семей облысының Жарма ауданындағы Чапаев атындағы мектебінде мұғалім болып бастады, кейін мектеп директорының орынбасары болып тағайындалды. 2002 - 2005 жыл аралығында Жарма ауданы әкімі аппаратының ішкі саясат және әлеуметтік сала бөлімінің меңгерушісі болып еңбек етті. Келесі 4 жыл аудан әкімінің көмекшісі лауазымында қызмет атқарды.

2009 жылы Көкпекті ауданы әкімінің орынбасары болды.

2011 жылы Шығыс Қазақстан облысы ішкі саясат басқармасының бастығы болып тағайындалды.

2015 жылы Қазақстан Республикасы Мәдениет және спорт министрлігі Тілдерді дамыту және қоғамдық – саяси жұмыс комитеті төрағасының орынбасары болып тағайындалды.

Содан кейін Ақтөбе облысы ішкі саясат басқармасының бастығы, ал 2017 жылдың мамыр айында Ақтөбе облысы әкімінің орынбасары болып қызмет атқарды.

2018 жылдың қараша айынан бастап Қазақстан Республикасы Президенті әкімшілігі ішкі саясат бөлімінде сектор меңгерушісі болып жұмыс істеді.  

2019 жылы қыркүйек айында, Қазақстан Республикасының Еңбек және халықты әлеуметтік қорғау министрлігі Еңбек, әлеуметтік қорғау және көші – қон комитетінің төрағасы лауазымына тағайындалды.

Қазіргі таңда жұбайымен 4 бала тәрбиелеуде.