Құрметті отандастар!

Менің жеке блогыма қош келдіңіздер! 

Қазақстан Республикасы Көлік министрлiгi  теміржол, автомобиль, ішкі су көлігі, сауда мақсатында теңізде жүзу, әуе кеңiстiгiн пайдалану мен азаматтық және эксперименттiк авиация қызметi, автомобиль жолдары, сондай-ақ оның құзыретiне кіретін қызмет саласында мемлекеттiк органдарды салааралық үйлестiрудi жүзеге асыратын орталық атқарушы орган.

Министрлікте осы бағыттарда атқарылып жатқан жұмыстар туралы ақпарат ресми сайтта және министрдің блогында жарияланатын болады. Өйткені мен үшін Қазақстан Республикасы Көлік министрлігінің және оның құрылымдық бөлімшелерінің қызметі туралы ақпаратпен бөлісіп отыру өте маңызды.

Сауалдарыңызды жолдап, талап-тілектеріңізді білдіріп, министрліктің жұмысы және жетекшілік ететін бағыттары туралы ой-пікірлеріңізбен бөлісуге шақырамын.

Бұл алаң әр қазақстандыққа өз пікірін білдіріп, ұсыныс айтуға, өзекті мәселелерді жедел әрі сапалы шешуге ықпал етіп, жұмыс барысында тиімді құралға айналатынына сенім білдіремін.

Құрметпен, Қазақстан Республикасының Көлік министрі Марат Қарабаев