Жумабекова Г.М.

Ә. Қастеев атындағы Қазақстан Республикасының Мемлекеттік өнер музейінің директоры

Жумабекова Гулаим Мусагуловна - 1966 жылы дүниеге келген. 1989 жылы Абай атындағы Алматы педагогика институтын тәмамдаған және мамандығы «Бастауыш сынып мұғалімі».

1991 жылдан бастап Ә. Қастеев атындағы ҚР мемлекеттік өнер музейіне экскурсия жүргізуші болып қызметке тұрды. Музей залдарының экскурсиялық тақырыптарын меңгере отырып, Қазақстан бейнелеу және сәндік-қолданбалы өнерін насихаттау жұмыстарына белсене еңбек етті. Балалар мен студенттерден басқа үкіметтік делегацияларға арнап ұдайы жүргізген қызықты әрі мазмұнды экскурсияларына жақсы бағалар беріліп, ол жөнінде жергілікті баспасөз беттерінде жарияланып тұрды.

1994 жылдан бастап Қазақстанның қолданбалы өнері орталығынына аға ғылыми қызметкер болып ауысады. Осы уақыт аралығында ол өзін қазақ қолданбалы өнерін зерттеу саласында жақсы істі қолға алғыш, орындаушы, белсенді маман ретінде көрсете білді. Музей жинақтамасындағы «Ұлттық қолөнер» коллекциясына сипаттама жазып, ғылыми атрибуция беру жұмыстарын жүргізді.

Г. Жумабекова «Парасат», «Туған өлке», «Жас қазақ», «Қазақстан әйелдері» журналдары мен «Түркі әлемі», «Алматы ақшамы», «Өнер отауы» газеттері сияқты республикалық дәрежедегі  мерзімді баспасөз беттерінде Қазақстан бейнелеу және қолданбалы өнері жайлы мақалалар көп жарияланған.  Ә. Қастеевтің шығармашылық қызметі мен оның жазушы М. Әуезовпен достығы турасында Қазақ энциклопедиясына материал дайындады (2011).

2004 жылы Әбілхан Қастеевтің 100 жылдық мерей тойына арнап көрме ұйымдастырып, суретшінің туған жері Шежін кентінде өткен жиында баяндама жасады.

Г. Жумабекова музейде болатын мерзімді көрмелерге жетекшілік етті, атап айтқанда, олар: Түркістан қаласында өткен Қазақтардың Дүниежүзілік Құрылтайына арналған көрме, Тараз қаласының 2000 жылдығына арналған көрмеге, жеке коллекционер Азат Әкімбектің Орта Азия мен Кавказ халықтарының «Шығыс арулары» зергерлік әшекейлер көрмесі және тағы бақа көптеген жобалардың жетекшісі болды. Музейдің негізгі залдарында «Қазақтың қолданбалы өнері» тұрақты экспозициясын құруға жетекшілік етті. Теледидар мен Радио арқылы ақпараттық құралдарға Қазақ бейнелеу өнері мен қолданбалы өнерін насихаттауда үлкен жұмыс жүргізіп келеді.

Музейдегі еңбек өтілі мен мол тәжірибесі ескерілген Г.М. Жумабекова 2013 жылы «Қазақстанның қолданбалы өнері» бөлімінің жетекшісі қызметіне дейін көтерілді.

Халықаралық ғылыми-практикалық конференцияларға, семинарларға үнемі қатысқан:

«Қазақтың зергерлік өнерінің қалыптасу тарихы мен мән-мағынасы»  мақаласы жарияланды. Ә. Қастеев атындағы ҚР Мемлекеттік өнер музейінің еңбектерінде (Труды ГМИ РК им. А. Кастеева)2018.

Жыл сайынғы «Қастеев оқулары» ғылыми конференцияда баяндама жасайды.

(Швейцария) Цюрих қаласында өткен «Өнертанушылар қауымдастығы» (AICA) халықаралық конференциясына қатысты. 2012.

Ашхабад қаласында өткен Дүниежүзілік Түркімен кілемшілері қауымдастығының XVI халықаралық конференцияда баяндама жасады. 2015.

 (Кытай) Сиань «Бейнелеу өнері академиясы». басылымына «Қазақ халқының зергерлік өнері». Еңбегі жарияланды.  Қытай тілінде. 2020

Вашингтон АҚШ елшілігі мен Смитсон институты ұйымдастырған музей менеджменті бойынша халықаралық семинарда «Қазақстанның халықтық және қазіргі зергерлік өнеріндегі көшпенділердің мәдени дәстүрлерінің сабақтастығы» тақырыбында баяндама жасады.  Вашингтон 2019

ICH Courier Корей журналына «Қазақтың зергерлік өнері» мақаласы жарияланды. 2022.

 Самарқанд қаласында «Өзбекстанның мәдени мұрасы – жаңа ренессанстың негізі» атты ауқымды VI халықаралық конгресске қатысып, баяндама жасады. 2022.

Бұқаралық ақпарат құралдарында тұрақты түрде сұхбаттар беріп, мерзімді басылымдарда мақалалар жазады. Халықаралық және республикалық жобалардың кураторы. Әсем әлем» өнер академиясында дәрістер оқып, экскурсияларды өткізеді.