Есентүгелов Т. А.

«МАЭК-Қазатомөнеркәсіп» ЖШС бас директоры

Қазақстан Республикасы Энергетика министрінің  бұйрығымен Есентүгелов Талғат Арыстанұлы «МАЭК-Қазатомөнеркәсіп» ЖШС Бас директоры болып тағайындалды.

Талғат Арыстанұлы 1967 жылы 12 маусымда  Алматы қаласында дүниеге келген.

Білімі жоғары. 1991 жылы В.Ленин атындағы Қазақ политехникалық институтын инженер-механик мамандығы және 2002 жылы Қ. Сатпаев атындағы Қазақ Ұлттық Техникалық Университетін тау-кен инженері-мұнайшы мамандығы бойынша тәмамдаған.
            Еңбек өтілін 1991 жылы Қазақстан Республикасының Мемлекеттік экономика комитетінің бас маманы қызметінен бастаған.

1992-1999 жылдар аралығында жеке кәсіпкерлікпен айналысып, 1999 жылдан бастап мемлекеттік құрылымдарда басшылық лауазымдарын атқарған.

2014 жылдан 2021 жылға дейін «Бетпақ Дала» БК» ЖШС-де және қосымша «Оңтүстік Тау кен-химия компаниясы» Бірлескен кәсіпорны» ЖШС-де Бас директордың бірінші орынбасары лауазымдарын атқарып келген.

2021 жыл 21 қаңтардан  «МАЭК-Қазатомөнеркәсіп» ЖШС бас директоры.