Құрметті оқырмандар!

«МАЭК» жауапкершілігі шектеулі серіктестігі Маңғыстау облысындағы өндірістік кәсіпорындарды және облыс тұрғындарын су, жылу, электр энергиясымен қамтамасыз етеді. Кәсіпорын құрамында  үш электр станциясы (ЖЭО-1, ЖЭО-2 және ЖЭС), Дистиллят өндіру және өнеркәсіптік жылу, сумен жабдықтау зауыты, БН-350 реакторлық  қондырғысы  (1999 жылдан бастап пайдаланудан шығару жұмыстары жүргізілуде), Жөндеу зауыты және кәсіпорынның өндірістік-технологиялық жұмыстарын қамтамасыз ететін бірнеше учаскелер мен қосалқы цехтар бар. Комбинат елу жылдан астам тарихы бар облыстағы ең ірі кәсіпорындардың бірі. Мұнда энергетикалық және өзге де жабдықтардың сенімді және апатсыз жұмысын жүргізуге толық мүмкіндіктері бар біліктілігі  жеткілікті, білім деңгейі жоғары тәжірибелі мамандар қызмет етеді.

Кәсіпорын  тұрғындарды тіршілікке қажетті барлық ресурстармен қамтамасыз ету үшін  күндіз-түні үздіксіз жұмыс істейді. Қызметіміз тікелей қоғаммен байланысты болғандықтан Ашық Үкімет Блогында жеке парақшамды ашып отырмын. Жұртшылықпен байланыс орнатуға мүмкіндік жасалған бұл ашықтық алаңында біздің тұтынушыларымыз комбинат қызметіне қатысты барлық сұрақтарына уақытылы жауап алып, өз  пікір, ұсыныстарын қалдыра алады.

Қадірлі оқырман! Осы блогта ел игілігі үшін атқарылатын ортақ қызметіміздегі мақсаттарымызбен, жағымды жаңалықтармен, өзара ақпараттармен бөлісіп, сындарлы сұхбат құруға шақырамын.