Құрметті блог пайдаланушылары!

Сізді өзімнің жеке парақшамда қарсы алуға шын жүректен қуаныштымын!

Ұлттық ғылыми онкология орталығы (бұдан әрі - ҰҒОО) ғылыми-білім беру қызметі бар ірі клиника болып табылады, онда онкологиялық бейіндегі пациенттерді емдеу үшін жоғары технологиялық көмектің барлық спектрі жүзеге асырылады және органдарды трансплантациялаудың барлық түрлері жүргізіледі. Сонымен қатар, Орталықтың көп салалы медициналық қызметте көп жылдық тәжірибесі бар. 

ҰҒОО-да 10 жылдан астам уақыт бойы сүйек кемігін трансплантациялау жүргізілетін және онкогематологиялық пациенттерге қажетті жоғары білікті көмек көрсетілетін Қазақстандағы жалғыз онкогематология орталығы табысты жұмыс істеп келеді.

2019 жылдан бастап ҰҒОО-да асқазан-ішек жолы мен бауырдың қатерлі ісіктері бар пациенттерге жоғары технологиялық көмек көрсетуге арналған Қазақстандағы алғашқы және әзірге жалғыз мамандандырылған бөлімше – гепатология, гастроэнтерология және органдарды трансплантациялау орталығы қызметін жүзеге асыруда. 

Өз қызметін жетілдіру мақсатында ҰҒОО үнемі динамикалық дамуда. Біздің дәрігерлеріміздің кәсіби командасы күрделі операцияларды жүргізу кезінде пациенттердің қауіпсіздігін барынша қамтамасыз етуге, сондай-ақ операциядан кейінгі асқынулар мен мүгедектік ықтималдығын азайтуға мүмкіндік беретін жаңа медициналық технологияларды табысты енгізуде.    

Қазіргі уақытта жаңа онкологиялық орталықтың құрылысы жүргізілуде. Бұл Қазақстан халқына жоғары технологиялық медициналық көмектің қолжетімділігін қамтамасыз ету мақсатында Қазақстан Республикасының Тұңғыш Президенті Н. Назарбаевтың 2018 жылғы 5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына жолдауында берген тапсырмасын орындау шеңберінде іске асырылатын стратегиялық маңызды және әлеуметтік маңызы бар жоба.    

ҰҒОО-да ең озық технологиялар, сәулелік, лазерлік, протонды және ядролық медицина бөлімшелері ұсынылатын болады, бұл пациенттерге Қазақстан аумағында шетелге шықпай-ақ, ерте диагностикадан бастап жоғары технологиялық емдеу мен оңалтуға дейінгі медициналық көмектің бүкіл кешенін алуға мүмкіндік береді. 

Жоғары технологиялық көмекті дамыту және жетілдіру мақсатында ҰҒОО әлемдік деңгейдегі клиникалармен ынтымақтастық орнатты. Шетелдік жетекші медициналық және ғылыми орталықтар (Германия, Франция, Жапония, Оңтүстік Корея, Дания, Ұлыбритания, Ресей және т.б.) ҰҒОО-ның стратегиялық серіктестеріне айналды.  

Сіздермен ашық және сындарлы диалог біздің орталықтың тиімді жұмысын құруға мүмкіндік береді деп сенемін. Біз сіздердің пікірлеріңіз бен ұсыныстарыңызды тыңдауға дайынбыз, бұл біздің клиникада болу үшін барынша қолайлы жағдай жасауға мүмкіндік береді. Өз кезегінде, сіз біздің орталықтың жұмысындағы маңызды оқиғалар мен жетістіктер туралы біле аласыз, онкологиялық бейіндегі пациенттерді емдеуге және жалпы медицинаның осы бағытын дамытуға қатысты пайдалы ақпарат пен сұрақтарыңызға жауап ала аласыз.

  Бұл блог-платформа онкологиялық көмек көрсетуді жақсартуға және жалпы денсаулық сақтау жүйесін жаңа сапалы деңгейге көтеруге мүмкіндік беретін коммуникациялардың тағы бір тиімді арнасына айналатынына сенімдімін!