Сарманов А.А.

ҚР ЦДИАӨМ «Республикалық электрондық денсаулық сақтау орталығы» ШЖҚ РМК бас директоры

Сарманов Ақан Айқынұлы 1980 жылы 6 ақпанда Алматы қаласында дүниеге келді. Азаматтығы – Қазақстан Республикасы, «Ақпаратты қорғау және оның қауіпсіздігі» мамандығы бойынша үздік жоғары білімі бар (Қазақ ұлттық техникалық университеті, 2002 ж.), сондай-ақ MBA OPEN (Management and Marketing Universal Business School, 2018 ж.).

Еңбек жолын 1999 жылы қалалық Жас таланттар сарайында компьютерлік үйірме жетекшісі болып бастады.

2002 жылдан 2006 жылға дейін «Қазақтелеком» АҚ, «Алматытелеком ҚТО» және «Қазақтелеком АҚ ПДО» түрлі бөлімшелерінде жұмыс істеді, деректер базасын әкімшілендірумен айналысты, бағдарламалық-аппараттық жобаларды әзірлеуге және сүйемелдеуге қатысты.

2006 жылдан 2009 жылға дейін «БТА Ипотека» АҚ маман, аға маман, жетекші маман, әзірлеу бөлімінің бастығы болып жұмыс істеді. Ақпараттық банктік жүйелерді (Oracle, pl/sql, pl/plus) әзірлеу және қолдау, сыртқы жүйелермен интеграциялау үшін есептер мен интерфейстерді әзірлеу бойынша жобаларды басқарды.

2009 жылдан 2010 жылға дейін «Мұнай сақтандыру компаниясы» сақтандыру компаниясында ақпараттық технологиялар жөніндегі басқарушы директор болып жұмыс істеді.   

2010 жылдан бастап 2015 жылға дейін «Азия қаржылық технологиялар орталығы» ЖШС-не сақтандыру компаниялары үшін жүйелер әзірлеу, халықтан төлемдер қабылдау, сыртқы жүйелермен және шлюздермен интеграциялау бойынша жобаларды басқарды. 

2015 жылдан бастап 2017 жылғы маусымға дейін «Банк РБК» АҚ банктің жаңа ақпараттық жүйеге көшу жобасының менеджері болды, содан кейін басқарма бастығы қызметін атқарды.

2017 жылғы маусымнан 2020 жылғы желтоқсанға дейін «Ұлттық ақпараттық технологиялар» АҚ Басқарма төрағасының орынбасары лауазымында жұмыс істеді.

«ҰАТ» АҚ жұмыс істеу кезеңінде мынадай жобаларды әзірлеуге және іске асыруға қатысты:

• «Smart Bridge» платформасы (Сервистер витринасы) – бұл мемлекеттік органдардың ақпараттық жүйелері мен жеке сектор арасындағы интеграцияның оңайлатылған процесі. Жоба «Х-Road» (әмбебап шина) жобасы бойынша Эстония Республикасының тәжірибесі негізінде жүзеге асырылды. Жобаны құрудың мақсаты интеграция, мемлекеттік органдардың бизнеспен өзара іс-қимылы және бәсекелестік ортаны дамыту бойынша ұйымдастыру рәсімдерін оңайлату болып табылады.   
• eGov Mobile бұл мемлекеттік көрсетілетін қызметтер мен сервистерді смартфондар арқылы көрсетуге арналған қосымша.
• Азаматтарға eGov Mobile қосымшасында мемлекеттік органдардың ақпараттық жүйелерінен ақпарат алу арқылы қағаз құжаттың электрондық нұсқасын жасауға, олармен бөлісуге мүмкіндік беретін цифрлық құжаттар, сервис. 
• және басқалар.

2020 жылғы 15 желтоқсаннан 2021 жылғы 31 мамырға дейін ҚР Денсаулық сақтау министрінің 2020 жылғы 11 желтоқсандағы №40 т/в бұйрығына сәйкес Сарманов Ақан Айқынұлы Қазақстан Республикасы Денсаулық сақтау министрлігінің «Республикалық электрондық денсаулық сақтау орталығы» шаруашылық жүргізу құқығындағы республикалық мемлекеттік кәсіпорны бас директорының міндетін атқарды.   

ҚР Денсаулық сақтау министрінің 2021 жылғы 31 мамырдағы №69 ж/в бұйрығымен Сарманов Ақан Айқынұлы 2021 жылғы 1 маусымнан бастап Қазақстан Республикасы Денсаулық сақтау министрлігінің «Республикалық электрондық денсаулық сақтау орталығы» шаруашылық жүргізу құқығындағы республикалық мемлекеттік кәсіпорны бас директоры болып тағайындалды.

Сарманов Ақан Айқынұлы «Үздік байланысшы» төсбелгісімен, сондай-ақ грамоталармен және алғыс хаттармен марапатталған.