Сәлеметсіздер ме, құрметті блог оқырмандары!

Блогымның жеке парақшасына қош келдіңіздер! ҚР ДСМ «Республикалық электрондық денсаулық сақтау орталығы» ШЖҚ РМК өңірлердегі филиалдарымен бірге Қазақстан Республикасының барлық аумағында «электрондық Үкімет» шеңберінде денсаулық сақтау саласының ақпараттық және коммуникациялық инфрақұрылымын дамытуды қамтамасыз етеді, республикалық және жергілікті мемлекеттік органдардың атқарушы билігіне, жеке және заңды тұлғаларға жеке тұлғалардың (пациенттердің) дербес деректерін қорғау бойынша қойылған талаптарды сақтаумен медициналық-статистикалық ақпаратты ұсынады. Кәсіпорын қызметінің мақсаты электрондық денсаулық сақтауды және медициналық статистиканы жетілдіру арқылы денсаулық сақтау жүйесін дамытуға қолдау көрсету, зерттеулер жүргізу, ақпараттық және білім бағдарламаларын жүзеге асыру болып табылады.

Біз алдымызға басқа елдерде өзінің тиімділігін дәлелдеген және еліміздің талаптарын ескере отырып, электрондық денсаулық сақтау саласын жетілдіруге, сондай-ақ әрбір пациенттің денсаулығының деңгейін арттыру үшін жүйелер мен технологияларды енгізу үшін көптеген міндеттер қоямыз.

Бүгінгі күні ақпараттық технологиялардың қарқынды дамуы дәуірінде кез-келген адамның Қазақстан Республикасының барлық аумағында «электрондық Үкімет» шеңберінде денсаулық сақтау және медициналық статистика жүйесінің ақпараттық және коммуникациялық инфрақұрылымының дамуымен танысу мүмкіндігі үшін барлық жағдай жасауға тырысамыз. Электрондық денсаулық сақтау саласында Сізді мазалаған сұрақтарға жауап беруге қуанышты боламын. Осы алаңда Сізбен тікелей құрылымды диалогты ретке келтіре аламыз, сіздердің идеяларыңыз бен ұсыныстарыңызды талқылауға дайынмын. Біз тең құқылы және өзара тиімді ынтымақтастық үшін әрқашан ашықпыз.

Өзіңізге және өз жақындарыңызға қамқор болыңыз.