Құрметті блог қонақтары!

«Ашық диалог» порталындағы менің дербес парақшама қош келдіңіздер!

Қоғам мен биліктің толыққанды диалогы қарастырылған «Халық үніне құлақ асатын мемлекет» тұжырымдамасын іске асыра отырып, мен өз блогымның парақшасында техникалық реттеу және метрология мәселелеріне қатысты барлық сұрақтарға жауап беруге, көмек көрсетуге дайынмын. Бұл сұрақтар – стандарттау, метрология және сәйкестікті бағалау саласындағы аккредиттеу мәселелері, мемлекеттік бақылау, ЕАЭО аясындағы техникалық реттеу жүйесіне қатысты интеграциялық процестер мәселелері.

Бүгінгі таңда техникалық реттеу мәселелері біздің экономикамыздың барлық салаларын қамтиды, сондықтан осы диалог алаңында сіздермен өзара әрекет ету өте маңызды, осы алаңда сіздер өздеріңіздің сұрақтарыңыз бен проблемаларыңызды ғана емес, сонымен қатар техникалық реттеу, жалпы жүйені жетілдіру бойынша көптеген мәселелерге қатысты өз пікірлеріңіз бен көзқарастарыңызды білдіре аласыздар.

Осы блог-платформа сіздермен тиімді жұмыс жасау, өзара әрекет ету құралы болатынына сенімім зор.

 

Қүрметпен, Қуаныш Елікбаев