Құрметті отандастар!

Әлеуметтік медициналық сақтандыру қоры үшін халықпен байланысып отыру өте маңызды, өйткені оның негізгі міндеттерінің бірі пациенттердің құқықтарын қорғау болып табылады. Сіздердің жасаған өтініштеріңіздің арқасында біз қандай сұрақтарды шешу қажеттігін, қандай мәселелермен әлі де жұмыс істеу керектігін білетін боламыз.

Соңғы жылдары денсаулық сақтау саласындағы жағдай айтарлықтай жақсарып келеді. МӘМС жүйесін іске қосудың арқасында отандық медицинаны қаржыландыру ұлғайтылды. Аталған жүйе көрсетілетін медициналық көмек көлемін ұлғайтуға, диагностика мен емдеу қызметтерін барынша қолжетімді етуге, жоғары технологияларды қолдана отырып, қымбат оталар жүргізуге мүмкіндік берді. Көптеген медициналық ұйымдар Қормен шарттар жасап, ТМККК және МӘМС шеңберінде медициналық қызметтерді жеткізушілер болып табылады. Пациент өзіне қолайлы клиникалар, оның ішінде жеке клиникалар арасында таңдау жасай алады, бұл медициналық нарықта бәсекелестікті тудырады.

Ағымдағы жылы аталған жүйені жетілдіру бойынша жұмыстар жалғастырылатын болады. Өңірлердегі ахуалды зерттей отырып, біз медициналық көмек көрсету сапасы мен қолжетімділігін жақсарту бойынша ұсыныстар әзірлейміз. Әрбір пациентке отандық медицинадағы жағдайды жақсартуға деген ықыласы үшін алғыс айтамын.

Бұл алаң кері байланыс арналарының бірі ретінде өзінің қажеттілігін көрсетті. Мен өзімнің жеке блогымда Сізді толғандыратын сұрақтарға жауап беруге дайынмын.

Құрметпен,

«Әлеуметтік медициналық сақтандыру қоры»

Басқарма төрағасы

Әбілқайыр Сқақов