Қайырлы күн, менің блогымды қолданушылар!

Қазақстан Тәуелсіздік алғаннан бері, біздің мемлекетіміздің басшылығы ел азаматтарының қауіпсіздігін қамтамасыз етуге ерекше көңіл бөледі.

Қазақстан Республикасы Төтенше жағдайлар министрлігі табиғи және техногендік сипаттағы төтенше жағдайлардың алдын алу және оларды жою, азаматтық қорғаныс, өрт және өнеркәсіптік қауіпсіздік саласындағы мемлекеттік саясатты іске асыру, мемлекеттік материалдық резервті қалыптастыру және дамыту бойынша функцияларды жүзеге асырады.

Азаматтық қорғау органдарының басты мақсаты азаматтар мен ел аумағын түрлі төтенше жағдайлардан сенімді қорғау болып табылады.

Қиын және өмірге қауіпті жағдайларда біз табиғи және техногендік сипаттағы төтенше жағдайлар кезінде зардап шеккендерге жан-жақты көмек көрсетеміз.

Менің блогым - азаматтық қорғау органдарының ашықтық құралдарының бірі.

Осы диалог алаңында Сіздердің идеяларыңызды және ұсыныстарды талқылауға дайынмын, сондай-ақ қойылған әрбір сұраққа Сізге міндетті түрде объективті жауап беріледі. Мен үшін әр пікір мен өтініш маңызды.

Блог қызықты, пайдалы ресурс және бірлескен ынтымақтастықта тиімді құрал болады деп үміттенемін.

Осы мүмкіндікті пайдалана отырып, блогта өтініш қалдыру кезінде Сіз өзіңіздің дербес деректеріңіздің (ТАӘ), өтініштің және жауаптың мәтіні, ондағы барлық ақпаратты қоса алғанда ашық қолжетімділікте жариялануына келісім беретініңізді хабарлаймын.

Егер Сіз өтініш-шағым мен оған берілетін жауаптың жалпыға жария болмағанын қаласаңыз, Электронды үкімет порталының «Электронды өтініштер» автоматтандырылған қызметін төмендегі сілтеме арқылы пайдалана аласыз:

http://egov.kz/cms/ru/services/citizen_and_the_government/e_app

 

Құрметпен,

Қазақстан Республикасының

Төтенше жағдайлар министрі

Шыңғыс Әрінов ​