Құрметті сайтқа кірушілер,

Ашық үкімет порталындағы парақшама қош келдіңіздер. 

2020 жылдың соңында қол қойылған «Бәсекелестікті дамыту жөніндегі мемлекеттік саясаттың негізгі бағыттары туралы» атты Мемлекет басшысының Жарлығымен   бәсекелестікті дамытудың стратегиялық маңызы белгіленді. Осы Жарлықта тәуелсіз Қазақстанның тарихында алғаш рет бәсекелестікті дамытуға жәрдемдесу жалпыұлттық міндет болып айқындалды.

Екі жылға жуық уақыт ішінде ҚР Бәсекелестікті қорғау және дамыту агенттігі ел Президентіне тікелей бағынатын дербес мемлекеттік орган ретінде өз қызметінің елеулі нәтижелерін көрсетіп келеді.   

Ең маңыздысы - нарық субъектілері үшін тең жағдайлар жасауға, негізгі қуатқа қолжетімділікті кеңейтуге және кедергілерді жоюға бағытталған бесінші монополияға қарсы пакетті қабылдау. Бұл Кәсіпкерлікті дамыту жөніндегі ұлттық жобаның негізгі бағыттарының бірі биржалық сауданы дамыту: Қазақстанда бірінші рет өңірлік операторларға тікелей бензин, битум, дизель отыны, коммуналдық-тұрмыстық көмірдің биржалық саудасы басталды. Және бұл 2022 жылғы шілдеде Қазақстан Республикасында бәсекелестікті қорғау мен дамытудың 2022-2026 жылдарға арналған тұжырымдамасын қабылдау болды, оның шеңберінде еліміздің тауар нарықтарында бәсекелес ортаны бұрмалауға жәрдемдесетін бірқатар жүйелік проблемаларды шешу жоспарланып отыр. 

Мен диалог жасауға ынталымын және өз блогыма келіп түскен барлық сұрақтарыңызға жауап беруге тырысамын. Кедергілер мен бәсекелестікті қорғау және дамыту проблемаларын жан-жақты талқылау үшін сарапшыларды, бизнес-қоғамдастықты және экономика мәселелеріне қызығушылық танытатын адамдарды Агенттіктің ашық краудсорсингтің алаңдарының: Кедергілер жөніндегі кеңестің және Open Space жұмыстарына қатысуға шақырамын. Біз Қазақстан экономикасының барлық салаларында адал бәсекелестікті дамыту үшін барынша тиімді шешімдерді әзірлей аламыз деп сенемін.