Әбілқасымова М.Е.
ҚР Қаржы нарығын реттеу және дамыту агенттігінің төрайымы
Әбілқасымова М.Е.
ҚР Қаржы нарығын реттеу және дамыту агенттігінің төрайымы
Жалпы ақпарат, білім
1978 жылғы 1 тамызда Алматы қаласында дүниеге келді.
1999 жылы Қазақ мемлекеттік басқару академиясын Халықаралық экономикалық қатынастар мамандығы бойынша аяқтады. 2003 жылы Колумбия университетінде Экономикалық саясатты басқару мамандығы бойынша Магистр дәрежесін алды.
2011 жылы Гарвард университетінің Кеннеди атындағы мемлекеттік басқару мектебін бітіріп, Мемлекеттік басқару магистрі дәрежесін алды.
Мансап
М.Е. Әбілқасымова өзінің еңбек жолын 1999 жылы Қазақстан Республикасының Стратегиялық жоспарлау агенттігінде бас маман ретінде бастады. 2003 – 2004 жылдары Қазақстан Республикасының Экономика және бюджеттік жоспарлау министрлігінің стратегиялық жоспарлау басқармасының бастығы болып жұмыс істеді. 2004 – 2006 жылдар аралығындағы кезеңде «Маркетингтік-талдамалық зерттеулер орталығы» АҚ-та мемлекеттік саясатты талдау департаментінің директоры лауазымын атқарды. 2006 – 2008 жылдары Қазақстан Республикасы Премьер-Министрі Кеңсесінің Әлуметтік-экономикалық бөлімі меңгерушісінің орынбасары болып жұмыс істеді. Одан кейін, 2008 – 2011 жылдары Қазақстан Республикасы Президенті Әкімшілігінің Стратегиялық әзірлемелер және талдау орталығы меңгерушісінің орынбасары лауазымын атқарды. 2011 – 2018 жылдары Қазақстан Республикасының Экономикалық даму және сауда вице-министрі, Қазақстан Республикасының Экономика және бюджеттік жоспарлау вице-министрі, Қазақстан Республикасының Ұлттық экономика вице-министрі болып жұмыс істеді. 2018 жылдың басынан бастап 2019 жылға дейін Қазақстан Республикасының Еңбек және халықты әлеуметтік қорғау министрі лауазымын атқарды. 2019 жылғы 12 – 28 наурыз аралығында Қазақстан Республикасының Ұлттық экономика вице-министрі болып жұмыс істеді.2019 жылғы наурыз – желтоқсан аралығында Қазақстан Республикасының Ұлттық Банкі Төрағасының орынбасары лауазымында жұмыс істеді.
Қазақстан Республикасы Президентінің 2019 жылғы 18 желтоқсандағы Өкімімен М.Е. Әбілқасымова Қазақстан Республикасы Қаржы нарығын реттеу және дамыту агенттігінің Төрағасы болып тағайындалды.
«Астананың 10 жылдығы» (2008), «Қазақстан Республикасының Тәуелсіздігіне 20 жыл» (2011) мерекелік медальдарымен, «Ерен еңбегі үшін» (2012), II дәрежелі «Еуразиялық экономикалық одақты құруға қосқан үлесі үшін» (2015) медальдарымен марапатталған.
