Теміржанов М.Б.

ҚР АШМ Жер ресурстарын басқару комитетінің төрағасы

1977 жылы 18 тамызда Ақмола облысы Бурабай ауданы Наурызбай батыр селосында туған.

Ш.Уәлиханов атындағы Көкшетау университетін бітірген, АӨК салаларындағы инженер-экономист; Қазақ гуманитарлық заң университеті, юриспруденция бакалавры.

Қазақ ұлттық аграрлық университетін бітірген, Ауылшаруашылығы ғылымдарының магистрі.

Мемлекеттік және халықаралық наградалары, сыйақылар, құрметті атақтары:

Белсенді азаматтық ұстанымы үшін: «Құрмет» орденімен (2009), «Қазақстан Республикасының тәуелсіздігіне 20 жыл», «ҚР мәслихатына 20 жыл» медальдарымен, «Ауыл шаруашылығы саласының үздігі», «Қазақстан полициясына 20 жыл» төсбелгілерімен марапатталған.

Мансап

Еңбек жолын 1998 жылы Көкшетау қаласында Салық комитетінің салық инспекторы болып бастаған.

2001 жылы Зеренді ауданы бойынша Салық комитеті төрағасының орынбасарының м.а. болды.

Түрлі жылдары жеке меншік құрылымдарда басшылық қызметтер атқарды.

2013-2014 жж. ҚР Президент Әкімшілігі Қауіпсіздік Кеңесінің Ситуациялық орталығының консультантының м.а., консультанты болды.

2016-2021 жж. — VI шақырылымындағы Қазақстан Республикасы Парламент Мәжілісінің депутаты, Аграрлық мәселелер комитетінің мүшесі.

Қаңтар 2021 ж. – наурыз 2021 ж. — ҚР ауыл шаруашылығы министрінің кеңесшісі.

2021 жылғы наурыз айынан бастап қазіргі уақытқа дейін — ҚР Ауыл шаруашылығы министрлігі Жер ресурстарын басқару комитетінің төрағасы.

2021 жылғы шілде айынан бастап қазіргі уақытқа дейін — ҚР Жерді пайдалану мен қорғау жөніндегі Бас мемлекеттік инспекторы.