Қайырлы күн, құрметті блог қонақтары!

Ашық үкімет блогындағы менің жеке парақшама қош келдіңіздер!

Индустриялық даму және өнеркәсіптік қауіпсіздік комитеті индустрия және индустриялық-инновациялық қызмет бағытында: тау-кен металлургия, көмір, машина жасау, химия, фармацевтика, жеңіл өнеркәсіп, ағаш өңдеу, жиһаз өнеркәсібі; жергілікті қамтуды дамыту; арнайы экономикалық аймақтардың жұмыс істеуі және оларды тарату; жекелеген қызмет түрлерін экспорттық бақылау және лицензиялау; өнеркәсіптік қауіпсіздік; энергия үнемдеу және энергия тиімділігін арттыру салаларында басшылықты жүзеге асырады. Сол себепті осы алаңда сіз маған аталмыш бағыттар бойынша тікелей сұрақтар қойып, жедел түрде жауап алуларыңызға мүмкіндік бар. 

Бұл блог-платформа ел азаматтарымен тікелей байланыс орнатып, туындаған мәселелерді шешудің тағы бір құралы болмақ. Жоғарыда көрсетілген бағыттар бойынша айтар ұсыныстарыңыз болса, өз ризашылығымды білдіремін.