Нұрғожин М.Р.

«Ұлттық ғарыштық зерттеулер мен технологиялар орталығы» АҚ Басқарма төрағасы

Қазақ КСР-і Көкшетау облысы Володар ауданының Кирилловка селосында 1957 жылы 30 маусымда дүниеге келген.

Н.Э. Бауман атындағы Мәскеу жоғары техникалық училишесін (1980 ж.) және МЖТУ аспирантурасын (1982-1985 жж.) бітірген. Инженер-механик.

Техника ғылымдарының докторы, Халықаралық ақпараттандыру академиясының және Қазақстан Республикасы инженерлік академиясының академигі.

Еңбек жолын 1982 жылы Қарағанды политехникалық институтының (ҚарПТИ) кіші, одан кейін аға ғылыми қызметкері болып бастаған.

1982 жылдан 1996 жылға дейін – ҚарПТИ ассистенті, аға оқытушысы, профессоры, ақпараттық технологиялар факультетінің деканы, оқу жұмыстары жөніндегі проректоры.

1996-2004 жылдар аралығында – Қарағанды техникалық университетінің бірінші проректоры.

2004 жылдан 2006 жылға дейін Қазақстан Республикасы Білім және ғылым министрлігінде жұмыс істеді. 2006 жылы Х. Жұбанов атындағы Ақтөбе мемлекеттік университетінің ректоры.

2006-2007 жылдары – Қазақстан Республикасы Білім және ғылым министрлігі Аэроғарыш комитетінің төрағасы, одан соң - Қазақстан Республикасы Білім және ғылым министрінің көмекшісі.

2007-2008 жылдары – «Самғау» Ұлттық ғылыми-технологиялық холдингі» АҚ Басқарма төрағасының орынбасары.

2008-2016 жылдар аралығында – «Қазақстан Ғарыш Сапары» Ұлттық компаниясы» АҚ бірінші вице-президенті, президенттің міндетін атқарушы, президенті.

2016-2019 жылдары – Қазақстан Республикасы Қорғаныс және аэроғарыш өнеркәсібі вице-министрі, 2019 жылы – ҚР цифрлық даму, қорғаныс және аэроғарыш өнеркәсібі вице-министрі.

2020 жылғы қаңтар айынан бастап Қазақстан Республикасы Цифрлық даму, инновациялар және аэроғарыш өнеркәсібі министрлігі Аэроғарыш комитетінің «Ұлттық ғарыштық зерттеулер мен технологиялар орталығы» АҚ Басқарма төрағасы, Директорлар кеңесінің мүшесі.

«Ғылым қоры» АҚ Директорлар кеңесінің төрағасы (2006-2008 жж.), «Kazsatnet» ҰК» АҚ Директорлар кеңесінің төрағасы (2007-2008 жж.), «Ұлттық ақпараттық технологиялар» АҚ Директорлар кеңесінің төрағасы (2007-2008 жж.) лауазымдарында қызмет атқарды.

Қазақстан Рсепубликасының білім беру саласының Құрметті қызметкері. «Құрмет» орденімен (2006 ж.), медальдармен, «Қазақстан Республикасы ғылымын дамытудағы табыстары үшін» төсбелгісімен марапатталған.

200-ден аса ғылыми жарияланымдардың, 6 ғылыми монографияның авторы, 7 авторлық куәліктің иегері.

Үйленген, екі қыз тәрбиелеп отыр

Қазақ және орыс тілдерін меңгерген.