Құрметті достар!

 

«Ұлттық ғарыштық зерттеулер мен технологиялар орталығы» акционерлік қоғамының ресми интернет-ресурсында Сіздерді қарсы алып отырғаныма қуаныштымын!

Елімізде іргелі және қолданбалы ғылымның болуы – мемелекеттің жоғары дейгейде дамуының белгісі. Табиғат пен материяның даму заңдылықтарын ғарыштық зерттеулерсіз түсіну мүмкін емес. Ғарыштық технологиялар барлық кезде ең озат деп танылған және ол қолданбалы ғылым мен өнеркәсіптің дамуына аса қуатты серпіліс береді, бүгін оның нәтижелерін бүкіл адамзат пайдалануда.

Сөз жоқ, Қазақстанда ғылыми зерттеулерді дамыту ғаламдық бәсекелестікке қабілеттіліктік мәселесі болып табылады

Адамзат қызметінің басқа да салалары сияқты ғылым да жариялылықты және жаңа ғылыми күштер ағынын қажет етеді. Біз де білімді, жақсы дайындалған мамандардың боуына мүдделіміз және біздің мамандарымыз өздерінің кәсіби біліктілігі мен ғылыми деңгейін арттырып отыруы үшін барлық қүш-жігерімізді жұмсаймыз.

Елбасы, Ұлт көшбасшысы Н. Назарбаевтың, Қазақстан Республикасының Президенті Қ.-Ж. Тоқаевтың саясатының арқасында, Қазақстанда ғылыми қызметті дамыту жаңа қарқын алды және экономиканың басым бағыттарына жатқызылды.

Қазақстан Республикасы ғарыштық ғылымның әлемдік картасында «Ұлттық ғарыштық зерттеулер мен технологиялар орталығы» акционерлік қоғамы арқылы өзінің лайықты орнын алған. Орталықтың ғалымдары әлемдік деңгейде танымал және беделді халықаралық ғылыми басылымдарда жарияланған ғылыми жұмыстар мен зерттеулердің авторлары.

«ҰҒЗТО» АҚ шетелдік жетекші ғылыми орталықтар және университеттермен бірлесе отырып аса күрделі және қызықты халықаралық ғылыми жобаларға қатысады. Орталықтың заманауи эксперименттік ғылыми базасы бар, біздің обсерваториялар заман талабына сай сандық құралдармен жабдықталған, ол құралдар басқа елдердегі әріптестермен тең дәрежеде ықтықтастық орнатуға және бірлескен зерттеулер жүргізуге мүмкіндік береді.

Біздің интернет-сайт қажетті ақпарат алуға Сіздерге көмектеседі және Сіздер қызығушылық танытқан барлық мәселелерді талқылау үшін ұтымды диалог алаңы болады деп сенемін.

 

Құрметпен,

Марат Нұрғожин,

«ҰҒЗТО» АҚ Басқарма төрағасы.