Құрметті оқырман!

Мен Сізді өз блогымда көргеніме қуаныштымын! Сіз бұл жерде «Мемлекеттік радиожиілік қызметі» РМК қызметіне қатысты өзіңізді қызықтырған сұрақтарға жауап ала аласыз. 

«Мемлекеттік радиожиілік қызметі» шаруашылық жүргізу құқығындағы республикалық мемлекеттік кәсіпорны «Мемлекеттік радиожиілік қызметінің кейбір мәселелері туралы» Қазақстан Республикасы Үкіметінің 2018 жылғы 23 ақпандағы қаулысына сәйкес құрылды.

Кәсіпорын қызметінің негізгі мақсаты байланыс саласындағы мемлекеттік монополияға жататын қызметтерді жүзеге асыру болып табылады.

Кәсіпорынның мемлекеттік монополиясы «Байланыс туралы» Қазақстан Республикасының заңымен анықталған:

• Халықтың теле-, радиоарналарды қабылдау сапасын қоса алғанда, көрсетілетін байланыс қызметтерінің сапасын бақылау жұмыстарының орындалуын техникалық тұрғыдан қамтамасыз ету, сондай-ақ радиожиілік спектрін мониторингілеу және байланыс саласындағы Қазақстан Республикасының заңнамасын бұза отырып жұмыс істеп тұрған радиоэлектрондық құралдар мен жоғары жиілікті құрылғыларды анықтау;
• Радиоэлектрондық құралдардың және радиожиіліктерді иелікке берудің тізілімін (дерекқорын) жүргізуді техникалық қамтамасыз ету;
• Радиоэлектрондық құралдардың электромагниттік үйлесімділігін есептеуді жүргізу;
• Қазақстан Республикасының радиожиілік ресурстарын және орбиталық позицияларын халықаралық үйлестіру жөніндегі іс-шараларды техникалық қолдап отыру; 
• Ұялы байланыстың абоненттік құрылғылары сәйкестендіру кодтарының дерекқорын және абоненттік нөмірлердің орталықтандырылған дерекқорын қалыптастыруды, олардың жұмыс істеуін, оларды қолдап отыруды және дамытуды қамтамасыз ету. 

 

«Мемлекеттік радиожиілік қызметі» РМК нәтижелі диалог жүргізуге дайын. Мен Сіздің барлық сұрағыңызға жауап беруге тырысамын.