Сайынов С.С.

«Ақпараттық-өндірістік орталығы» РМК директоры

1970 жылғы 27 тамызда Алматы қаласында туған. 1992 жылы
В.И. Ленин атындағы қазақ политехникалық институтын, 1998 жылы Астана қаласындағы «Қайнар» университетін бітірген.

Ішкі істер органдарындағы қызметтік жұмысын Қазақстан Республикасы ІІМ жанындағы Ақпараттық-есептеу орталығы техникалық қамтамасыз ету 5-бөлімінің ЭЕМ-ге қызмет көрсету бөлімшесінің инженер-электроншысы лауазымынан бастады.

1992-2006 жылдар аралығында Қазақстан Республикасы ІІМ Орталық аппаратының техникалық қызмет, криминалдық, көші-қон полициясы бөліністерінде жұмыс істеді. 

2006-2010 жылдар аралығында Қазақстан Республикасы ІІМ Әкімшілік полиция комитетінің Көші-қон полициясы басқармасын басқарған.

2011-2013 жылдар аралығында – Қазақстан Республикасы ІІМ Көші-қон комитеті төрағасының орынбасары.

2013-2017 жылдар аралығында Қазақстан Республикасы ІІМ Көші-қон полициясы департаментінің бастығы лауазымын атқарған.

2020 жылы Қазақстан Республикасы ІІМ «Ақпараттық-өндірістік орталығы» РМК директоры лауазымына тағайындалды.

«Қазақстан Конституциясына 10 жыл», II, III-дәрежелі «Ішкі істер органдарындағы мінсіз қызметі үшін», «Құқық тәртібін қамтамасыз етуде үздік шыққаны үшін», «Қазақстан Республикасының Тәуелсіздігіне 20 жыл»,
I-дәрежелі «Астананың 10-жылдығы», I-дәрежелі «Мінсіз қызметі үшін» медальдарымен, «ІІМ-нің құрметті қызметкері», «Қазақстан полициясына 20 жыл» төс белгілерімен және басқа да марапаттармен марапатталды.