Құрметті менің блогымды қолданушылар!

 

Қазақстан Республикасы Ішкі істер министрлігінің «Ақпараттық-өндірістік орталығы» шаруашылық жүргізу құқығындағы республикалық мемлекеттік кәсіпорны (бұдан әрі – «АӨО» РМК) Қазақстан Республикасы Үкіметінің 1999 жылғы 17 ақпандағы № 134 қаулысымен құрылды.

          «АӨО» РМК көпфункциялы кәсіпорын болып табылады, оның қызметі Қазақстан Республикасы Ішкі істер министрлігінің әртүрлі бөліністерінің мүдделерін қамтамасыз етуге және олармен өзара іс-қимыл жасасуға бағытталған. 

«АӨО» РМК-ның жарғысына сәйкес:

• Қазақстан Республикасы азаматтарының паспорттарын, Қазақстан Республикасы азаматтарының жеке куәліктерін, шетелдіктің Қазақстан Республикасында тұру ықтиярхаттарын, азаматтығы жоқ адамдардың куәліктерін дайындау;
• ішкі істер органдары үшін бағдарламалық-техникалық өнімдерді (компьютерлік бағдарламаларды, жабдықтарды, байланыс құралдарын, ақпараттық жүйелерді) әзірлеу, енгізу және сүйемелдеу;
• жүргізуші куәліктерін, көлік құралдарын тіркеу туралы куәліктерді, мемлекеттік тіркеу нөмірлік белгілерін дайындау жөніндегі қызметті жүзеге асырады.

Бүгінгі күні жеке басты куәландыратын құжаттарды дайындау Нұр-Сұлтан, Алматы, Ақтөбе, Шымкент қалаларындағы төрт өндірістік орталықта жүзеге асырылады. Қазақстан Республикасы азаматтарының жеке куәліктерін және паспорттарын дайындауға өтінімдер 290 «Халықты құжаттандыру және тіркеу» тіркеу пункттерінде ресімделеді.

Біздің кәсіпорын қысқа мерзімдерде халықаралық стандарттарға сәйкес Қазақстан Республикасы халқының жеке басын куәландыратын құжаттарды дайындаудың ең жаңа технологияларын пайдалануда анағұрлым жетістіктерге жетті, сондай-ақ Қазақстан Республикасы ішкі істер органдары үшін көші-қон процесін есепке алуды автоматтандырды.

Сіздерден менің блогымда өтініш қалдырғанда, өздеріңіздің дербес деректеріңізді (ТАӘ), өтініш мәтінінде және менің жауабымда қамтылған барлық ақпаратты қоса алғанда, оларды ашық қол жетімділікте жариялауға келісім беретініңізге ерекше назар аударуыңызды сұраймын.

Егер сіздің өтініштеріңіз бен оларға жауаптардың блогта жаппай қарау үшін қол жетімсіз болуы үшін http://egov.kz/cms/ru/services/citizen_and_the_government/e_app сілтемесі бойынша Электрондық үкімет порталының «Электрондық өтініштер» автоматтандырылған қызметін пайдалана аласыз.

Біздің ынтымақтастығымыз қызықты, жасампаз және пайдалы болатынына сенімдімін.