Карбузов Қ.Ж.

«Әскери-стратегиялық зерттеулер орталығы» АҚ президенті

Генерал-майор, заң ғылымдарының докторы Қозы-Көрпеш Карбузов 1959 жылы 20 қаңтарда Қазақстан Республикасы Жамбыл облысының Шу қаласында дүниеге келді. Отбасылы.

1981 жылы С.М. Киров атындағы Қазақ мемлекеттік университетін және 2003 жылы Әл-Фараби атындағы Қазақ ұлттық университетін бітірген.

КСРО Бас прокуратурасы Жоғары офицерлерді даярлау институтының Харьков филиалында 1984 жылы және сол институттың Мәскеу филиалында 1989 жылы, Вашингтондағы ФТБ Академиясында, АҚШ Әділет министрлігінің Будапешттегі Аймақтық даярлық орталығында ақша жылыстатуға және лаңкестікті қаржыландыруға қарсы күрес бойынша даярлық курстарынан өткен.

Қызмет жолын 1981 жылы Шу аудандық атқару (кеңес дәуіріндегі муниципалдық) комитетінде жауапты хатшы ретінде бастаған.

1982-1995 жж. Мойынқұм ауданы прокурорының көмекшісінен бастап Қазақстан Бас прокуратурасының бөлім бастығына дейінгі әртүрлі лауазымдарды атқарды.  

1995-1998 жж. Мемлекеттік тергеу комитетінің Алматы қ. департаментінің басқарма бастығы, кейін директоры лауазымдарын атқарды.

1998-2007 жж. Қазақстан Ұлттық қауіпсіздік комитетінде басқарма бастығы және комитет төрағасының орынбасары секілді әртүрлі лауазымдарда болды.

2007-2011 жж. Қазақстан Республикасы Қаржы министрлігі Кедендік бақылау комитетінің төрағасы болды.

2013 жылы Экстремизммен және лаңкестікпен күрес жөніндегі зерттеу институты директорының міндетін атқарды.

2013 жылғы қазанда Қазақстан Республикасы Қорғаныс министрлігінің жанындағы «Әскери-стратегиялық зерттеулер орталығы» АҚ президенті болып тағайындалды. 2017 жылдан бастап «ӘСЗО» АҚ ҚР Қорғаныс және аэроғарыш өнеркәсібі министрлігі жанында, 2019 жылдан бастап Қазақстан Республикасы Индустрия және инфрақұрылымдық даму министрлігі жанында, 2020 жылдан бастап Қазақстан Республикасы Қорғаныс министрлігі жанында болды.

63 ғылыми жұмыс жазған. Қазақстанда сыбайлас жемқорлықты тергеу-тексерудің ерекшеліктері, Қазақстан Республикасында алдын-ала тергеудің процессуалдық актілері, Қазақстан Республикасында лаңкестік әрекеттерді ашу мен тергеудің теориялық-әдістемелік және ұйымдастырушылық проблемалары секілді салалардағы 17 кітаптың, сондай-ақ экстремизммен және лаңкестікпен күреске арналған бірқатар оқулықтар мен практикалық құралдардың авторы.

ІІ и I дәрежелі «Даңқ» орденімен, Қазақстан Республикасының және шет мемлекеттердің медальдарымен наградталған.

Қазақстан Республикасындағы үш университеттің құрметті профессоры.

Қазақстан Республикасы Бас прокуратурасының құрметті қызметкері.

Қазақстан Республикасы Мемлекеттік тергеу комитетінің құрметті қызметкері.

Қазақстан Республикасы Ұлттық қауіпсіздік комитетінің құрметті қызметкері.

«Үздік кәсіпорын басшысы-2018» атағының («Табыс жұлдызы» орденінің) иегері.