Құрметті менің блогыма келушілер!

Сіздерді «Әскери-стратегиялық зерттеулер орталығы» АҚ президентінің жеке блогында қуана қарсы аламын!

«Әскери-стратегиялық зерттеулер орталығы» акционерлік қоғамы Қазақстан Республикасы Үкіметінің 2008 жылғы 6 ақпандағы № 110 қаулысы бойынша оның жарғылық капиталындағы мемлекеттің жүз пайыздық қатысуымен құрылған.

2009 жылғы 15 шілдеден бастап Орталық өз қызметін әскери қауіпсіздік және мемлекеттің қорғаныс қабілеті проблемаларын зерттеу жөніндегі ғылыми-зерттеу институты ретінде жүзеге асырып келеді.

Орталық ҚР-да және Орталық Азия аймағында әскери ғылыми зерттеулер жүргізудегі көшбасшының ролін атқаруға бағдар алған.

Пенсильвания (АҚШ) университетінің 2018-2019 жж. «Әлемнің жетекші ақыл-ой және талдау орталықтары» жинақтарына сәйкес, Орталық 2017 жылдың қорытындылары бойынша Кавказ бен Орталық Азияның Ауғанстанды қоса алғандағы 65 ұқсас құрылымының арасында 18-ші орынды алып отыр. Ал 2018 жылдың қорытындылары бойынша Орталық 17-ші орын алып, Еуразияның жетекші ақыл-ой орталықтарының пулына енді және ҚР Ұлттық сараптама комиссиясының бағалауы бойынша «Қазақстанның үздік кәсіпорны-2018» атағының номинанты болды.

Орталықта үлкен ғылыми еңбек тәжірибесі бар ғалым-зерттеушілер, ғылым докторы және кандидаты ғылыми атақтарының иегерлері, тәжірибелі сарапшылар жұмыс істейді, олардың көпшілігі ҚР күш құрылымдарында басшы лауазымдарын атқарған және басқарушылық және өндірістік қызметтерде бай тәжірибе жинақтаған.

Өзінің құрылған кезінен бастап Орталықта Қазақстан Республикасының ұлттық қауіпсіздігі мүддесінде 100 ҒЗЖ және ТКЖ, 6 нормативтік құқықтық акті жобасы (Президент жарғылары, ҚР Үкіметі қаулылары), жоғары әскери оқу орындарына арналған 35 оқу құралы, монографиялар, энциклопедиялық басылымдар, 41 әскери стандарт әзірленді.

Ұйымның миссиясы: Қорғаныс саласындағы ҚР ғылыми-технологиялық әлеуетін дамыту.

Мақсаты: Қорғаныс және ұлттық қауіпсіздік саласындағы уәкілетті органның және мүдделі мемлекеттік ұйымдардың басқарушылық шешімдер қабылдауы үшін ғылыми-технологиялық өнімдерді шығару.

 

Осы тұғырнамада сіздерге «Әскери-стратегиялық зерттеулер орталығы» АҚ қызметінің барлық бағыттары бойынша сұрақтар қоюға, баға беріп, пікір бөлісуге, ұсыныстар енгізуге болады. Сіздердің барлық сұрақтарыңыз бен ой-пікірлеріңізге мен жан-жақты, білікті жауаптар беруге әзірмін.

Мен блогымның барлық қонақтарына жемісті еңбек, шығармашылық шабыт және Қазақстан Республикасының ғылымын дамытуда табыстар тілеймін. Осы блог-тұғырнаманың біздің бірлескен жұмысымызда нәтижелі құрал бола алатынына сенімдімін.

 

Құрметпен,

«Әскери-стратегиялық зерттеулер орталығы» АҚ Президенті                                                                           

Рыспаев А.Н.