Қымбатты достар!

«Рухани жаңғыру» бағдарламасының  жалғасы болып  жарық көрген  «Ұлы даланың жеті қыры» атты Елбасының  мақаласы  түгендейтін тұстарымызды  жинақтауға бағыт-бағдар беретін бағдарлама. Оның ішіндегі  «ДАЛА ФОЛЬКЛОРЫ МЕН МУЗЫКАСЫНЫҢ МЫҢ ЖЫЛЫ» бөлімі, әсіресе, біздер, өнер адамдары  үшін  ерекше. Осы орайда Елбасы мақалада көрсетіп кеткендей, өнер адамдары үшін халыққа қызмет ету, өнерсүйер қауымды ұлт өнерімен сусындату жұмысы өте маңызды еңбек. Және осы мақалада атап көрсетілген бағыттардың іске асуына, ұлттық бояуы жойылмаған төл өнерімізді өз қалпында бүгінгі заманға сай келер ұрпаққа жеткізу бағытында мол үлес қосатынымыз сөзсіз.

Мақалада айқын көрсетілген 7 бағыт бойынша мәдениет саласына қатысты Тарихи сананы жаңғыру мәселесі, оның ішінде 5 бөлімі «Дала фольклоры мен музыкасының мың жылы». Бұдан алатынымыз: ерте заманнан бері ауыздан ауызға тарап бүгінгі күнге жеткен қазақтың этнофольклоры, әуезді сазы, халық әндері ұмытылмау керек. Ұмытылмас үшін, бүгінгі жас буынға және болашақ ұрпаққа жеткізу жолында өнер адамдарының төгер тері үшан-теңіз. Осы жолда ұмыт болған мұрамызды, ата-бабамыз аңсаған тәуелсіздігімізді, Ұлы дала рухымызды асқақтатып кейінгі ұрпаққа тапсыру  - біздің парызымыз деп білеміз.

«Ашық диалог» платформасындағы осы блог арқылы өнерсүйер қауымнан тың пікірлер, ұтымды ұсыныстар күтемін және жемісті еңбегіміздің кепілі болады деген сенімдемін.

 

Аса құрметпен, Сүйінбай атындағы

Алматы облыстық филармониясының  директоры  Д.Құрамысов