Қадірлі оқырман, сіздермен Ашық Үкімет Блогындағы менің дербес парақшамда пікір алмасқаныма қуаныштымын!

Зейнетақы қоры – бұл еліміздің жұмыс істейтін барлық тұрғындары қатысатын, есеп беру, ашық қызмет, этикалық тәртіп, тараптардың мүдделерін құрметтеу, заңды басшылыққа алу және адам құқықтарын сақтау қағидаттарын берік ұстанатын әлеуметтік жауапкершілікті ұйым.

Бүгінгі күні Қор қызметі ең алдымен салымшылардың (алушылардың) толық әрі дұрыс ақпарат алуы, жеке зейнетақы шотын ашуы, оның жай-күйі туралы хабарлама алуы, алушыларға төлемдерді ресімдеу секілді қазіргі кездегі қажеттіліктерін орындауға және осылайша өз зейнетақы жинақтарын қалыптастырға бағытталған.

Осы интерактивті алаң өзара сындарлы сұхбат жасауымызға мүмкіндік береді деген ойдамын. Мұнда мен жинақтаушы зейнетақы жүйесіне және БЖЗҚ қызметіне қатысты сауалдарыңызға жауап беруге дайынмын.

Менің блогым Сіздер үшін пайдалы болады деген үміттемін!