Ерсаев М. Б.

Облыстық музейдің директоры

Ерсаев Мирболат Бижанұлы Батыс Қазақстан облысы Жәнібек  ауданы Жәнібек ауылында 1988 жылы 19 сәуірде  дүниеге келген.

   2010 жылы Орал қаласындағы М.Өтемісов атындағы Батыс Қазақстан мемлекеттік университетін «Тарих»  мамандығы бойынша аяқтады.

   Еңбек жолын 2010 жылы Жәнібек аудандық кітапхананың әдіскері болып бастаған. 2011-2013 жылдары аудандық мәдени демалыс орталығының директоры лауазымын атқарған. 2014-2015 жылдары Батыс Қазақстан облыстық тарихи-өлкетану музейінің шаруашылық ісі бойынша директор орынбасары, 2015 жылдан бастап күні бүгінге дейін облыстық музейдің директоры. Жалпы еңбек өтілі – 10 жыл. Саладағы – 10 жыл.

   Музейде республикалық, халықаралық деңгейде өткізілетін шаралардың ұйымдастырушысы.

   Мәдениет саласының дамуына қосқан үлесі үшін Қадыр Мырза Әлі атындағы (2016), Мұстахим Біләлұлы Ықсанов атындағы (2017) медальдармен, Қазақстан Республикасы Мәдениет және спорт министрінің Құрмет грамотасымен (2019), Қазақстан Республикасының «Өнер саласының Үздігі» төсбелгісімен (2019) марапатталған.

   Отбасында жолдасы, екі қызы, бір ұлы бар.