- Блогтар
- Елшібаев Е.И.
Елшібаев Е.И.
«Проблемалық кредиттер қоры» АҚ-ның Басқарма Төрағасы
Елшібаев Е.И.
«Проблемалық кредиттер қоры» АҚ-ның Басқарма Төрағасы
Елшібаев Ержан Иманқұлұлы 1980 жылы Ақтөбе облысында дүниеге келген.
Қазақ мемлекеттік заң академиясы мен Орталық Азия Университетінің түлегі. Сондай-ақ, Ресей Федерациясы Президенті жанындағы Ресей халық шаруашылығы және мемлекеттік қызмет академиясында іскерлік әкімшілік басқару докторы (Doctor of Business Administration) дәрежесін алды.
Еңбек жолын "Казкоммерц-полис «СК» АҚ-да заң кеңесшісі ретінде бастады. 2003-2008 жылдар аралығында «Экспорттық кредиттерді және инвестицияларды сақтандыру жөніндегі мемлекеттік сақтандыру корпорациясы» АҚ-да бас маманнан бастап Департамент директорына дейінгі лауазымдарды атқарды. Сонымен қатар, қызмет барысында Франция, Жапония, Чехия, Польша, Сауд Арабиясы және Индонезияның жетекші экспорттық-несиелік агенттіктерінде біліктілігін арттырды.
2012 жылы «KazakhExport» экспорттық сақтандыру компаниясы» АҚ-ның Басқарма мүшесі – Заң департаментінің және Шаруашылық басқармасының директоры болып тағайындалды. Аталмыш ұйымда 3 жыл қызмет атқарып, Басқарма төрағасының бірінші орынбасары қызметіне дейін көтерілді.
Сондай-ақ, Ержан Иманқұлұлы «БТА Сақтандыру» еншілес компаниясы» АҚ-ның Басқарма төрағасының бірінші орынбасары және «Малакут» сақтандыру брокері» АҚ-ның Басқарушы директоры қызметтерін атқарды.
2018 жылы «Проблемалық кредиттер қоры» АҚ Басқарма төрағасының орынбасары лауазымын атқарып, 2019 жылы Қазақстан Республикасы Қаржы министрінің бұйрығымен осы ұйымның Басқарма Төрағасы болып тағайындалды.