Қуатова А.С.

«Қазына Капитал Менеджмент» АҚ Басқарма төрағасы

Қуатова Айнұр Саинқызы

«Қазына Капитал Менеджмент» АҚ Басқарма төрағасы және Директорлар кеңесінің мүшесі.

Мемлекеттік қызмет және корпоративтік басқару саласында 20 жылдан астам тәжірибесі бар.

Осы жылдар ішінде «Ланкастер Инвест» АҚ, «КМК Мұнай» АҚ, «Карповский Северный» АҚ компанияларында басшылық қызметтер атқарды. Мемлекеттік қызметте, сонымен қатар, Қазақстан Республикасы Энергетика және минералды ресурстар министрлігінің бөлім бастығы, Қазақстан Республикасы Қоршаған орта және су ресурстары министрінің кеңесшісі ретінде жұмыс істейді.

2012 жылдан бастап 2015 жылға дейін «Қазатомөнеркәсіп» ҰАК» АҚ Стратегия және бизнесті трансформациялау жөніндегі Басқарма Төрағасының орынбасары және «Астана ЭКСПО-2017» ҰК» АҚ Басқарма Төрағасының орынбасары қызметтерін атқарды.

Қазіргі лауазымына дейін, 2016 жылдан бастап «Бәйтерек» ұлттық басқарушы холдингі» АҚ Басқарушы директоры - Басқарма мүшесі лауазымын атқарды, жобаларды қаржыландыру, мемлекеттік-жекеменшік серіктестік, экспортты қолдау және инвесторлармен жұмыс жасау мәселелеріне жетекшілік етті.

Миддлсекс Университетінің Іскери әкімшілік ету магистрі дәрежесін алды (Лондон). Сонымен қатар Қазақ мемлекеттік басқару академиясының экономика бакалавры дәрежесіне ие.

Азаматтығы - Қазақстан Республикасы, еншілес компаниялардың акциялары жоқ.