Құрметті достар!

Сіздерді «Ашық диалог!» порталындағы «Х. Досмұхамедов атындағы Атырау университеті» КЕАҚ Басқарма төрағасы-ректорының виртуалды қабылдауында көргеніме қуаныштымын!

Жетпіс жылдан астам тарихы бар, еліміздің батыс өңіріндегі бірегей де беделді көпсалалы білім беретін жоғары оқу орнының есігі сапалы білім алуға және үлкен мансап жасауға ұмтылған азаматтарға  әрқашан ашық. Елеулі табыстар және қоғамдық мойындау біздің университетімізге шынайы мақтанышпен қатар оның болашағына қатысты жауапкершілікті жүктейді.

Бұл блог біздің университет туралы ойларыңызбен, ұсыныстарыңызбен, шешімін күткен мәселелеріңізбен бөлісіп, өз мақсаттарыңыз бен жетістіктеріңіз жайлы хабарлап, университет ұжымын қуантып жүру үшін ашылған. Сіздерді осы  виртуалды қабылдау парақшасы арқылы  біздің университеттің дамуына, академиялық саясатына қатысты ұсыныстарыңыз бен пікірлеріңізді, сұрақ-сауалдарыңызды жазып, тікелей ой-бөлісе аласыздар. Мен көтерілген кез-келген мәселенің жан-жақты талдануына мән беріліп, жауап алатындарыңызға уәде беремін.

Аталмыш  блог келешекте университетіміздің тыныс-тіршілігімен тереңірек танысумен қатар, ғылым мен білім берудің көкейкесті мәселелерін ашық талқылайтын үлкен пікірталас алаңына айналатынына сенімдімін.

 

«Х. Досмұхамедов атындағы Атырау университеті» КеАҚ
Басқарма төрағасы-ректор Саламат Идрисов