Құрметті достар, әріптестер!

            Қазақстанның Тәуелсіздігін алғашқы таныған Түркия Республикасы Түркістан және Алматы қалаларында ашылған жоғары оқу орындары арқылы атажұрттағы ата-баба ұрпағына қызмет етуде, екі туыс және дос халықтың біртұтастығына, түркі дүниесінің дамуына өз үлесін қосуда. Осы орайда, Түркия Республикасының бір топ зиялы қауымы және іскер адамдары Атажұртқа Қазақстанның шақыртумен келіп, жергілікті қазақ зиялы қауымымен бірлесе «Орта Азия Мәдениет қоры» қоғамдық қорын құрды. 2004 жылы қор жанынан Шет тілдер және іскерлік карьера институты болып ашылып, 2005 жылы университет мәртебесіне көтерілді.

              Орталық-Азиялық өңірдегі ірі ғылым-білім, мәдениет, қаржы, спорт және жастар орталығы болған Алматы қаласында, халықаралық қор университетін ашу – Тәуелсіз Қазақстанның жаңа буын өкілдерініңкәсіби білім алуына, өзін-өзі дамытуына, жетілдіруіне, рухани және адамгершілік қасиеттерді сіңіріп,тәлім-тәрбие беруге және әлеуметтік әлеуетін дамытуға ерекше жағдай жасауға бағытталған.

              Шет тілдер және іскерлік карьера университеті (ШТІКУ) - Қазақстандағы алғашқы және теңдеусіз қор университеті.

              Сапалы тәлім, саналы тәрбие беру арқылы жарқын болашаққа қол жеткізер білім ордасы ШТІКУ бәсекеге түсе алатын ұлттық жоғары білім беру жүйесінің жаңа флагманын құру жөнінде маңызды еңбек атқаруда.

              Шет тілдер және іскерлік карьера университеті бәсеке алаңына айналған, жаһанданған дүниеде студенттерге заман талабына сай білім беруге және оған керекті материалдық техникалық жабдықтардың барлығымен қамтамасыз етуге тырысып келеді. Студенттердің білім алуына барлық жағдай жасалғаннан кейін ғана олардан нәтиже күте аламыз. Түркия, Франция, Солтүстік Африка, Европа, Австралия мен Қырғызстан және Қазақстанда білім саласында қызмет етіп келе жатқаныма отыз жылдың көлемі болып қалды.  Академиялық өмірімді және тәжірибемді Шет тілдер және іскерлік карьера университетінің ректоры ретінде жалғастырып отырмын.

              Университетіміздің профессор-оқытушылар құрамымен бірлесе отырып жастарымыздың бақытты болашағы үшін қызмет етудемін және жастардың қажетті білім алуына, тәжірибе жинақтауына, өмірге дайын болуына барлық жағдайды жасаудамын. Өз басым «адамзатқа пайдалы болу ғибадатпен тең» деген қағиданы ұстанамын. Қазақстанда пайдалы істер жасап, өмірде жастарымызға жол көрсете алсам өзімді өте бақыттымын деп санаймын. 

Сіздерге табыс тілеймін!

 

Құрметпен, ШТІКУ ректоры,

доктор, профессор                                Сабри Хизметли