Саясат Нұрбек

ҚР Ғылым және жоғары білім министрі

1981 жылы 18 мамырда Семей қаласында дүниеге келген.

Қазақстан және шетелдік деңгейде түрлі салада білім алған: Marshalltown College (АҚШ) саясаттану мамандығы бойынша, Л.М. Гумилев атындағы Еуразия ұлттық университетін «Халықаралық құқық» мамандығы бойынша (2004 ж.), La Sapienza (Италия) университетін геополитика магистрі дәрежесінде, «Көкше» академиясын психология бакалавры бойынша тәмамдады.

Саясаттанушы, заңгер, геосаясат және халықаралық қауіпсіздік магистрі біліктілігі бар.

АҚШ, Сингапур, Бельгия, Жапония, Голландияда тағылымдамадан және біліктілікті арттыру курстарынан өткен.

Еңбек өтілін студенттік кезден бастаған. АҚШ-та тағылымдамадан өту кезінде Конгресстің Орталық сайлау штабында, сондай-ақ президенттік кампанияда жұмыс істеді.

•    2000-2001 жылдары Конгрессмен Марк Смит көмекшіcі (АҚШ), Айова штатының Үкіметінде (АҚШ) қызмет атқарған.

•    2002-2004 жылдары Қазақстандағы жастар саясатының іске асырылуына белсенді қатысты.

•    2006-2009 жылдары «Қазына» тұрақты даму қоры» АҚ инвестициялық жобалар саласында жұмыс істеді. ҚР Президенті Әкімшілігінің кадр саясаты секторының меңгерушісі, ҚР Президенті жанындағы Мемлекеттік басқару академиясының халықаралық ынтымақтастық және ғылым жөніндегі проректоры, «Самұрық-Қазына» ұлттық әл-ауқат қоры» АҚ департамент директоры, кадр саясаты және басқару жөніндегі атқарушы директор болып қызмет атқарды.

•   2009 жылы Қазақстан Республикасы Президентінің жанындағы Мемлекеттік саясаттың ұлттық мектебінің директоры болып тағайындалды.

•   2010 жылдың қараша айынан 2013 жылдың қыркүйегіне дейін ҚР Білім және ғылым министрлігінің «Халықаралық бағдарламалар орталығы» АҚ Президенті қызметін атқарды.

•  2013-2015 жылдары «Нұр Отан» партиясының Қоғамдық саясат Институтының директоры болып жұмыс істеді.

•    2016 жылдың шілдесінен бастап Астана Халықаралық қаржы Орталығының басқарушы директоры, Басқарма мүшесі болып тағайындалды.

• «Астана» Халықаралық қаржы орталығы басқарушы директоры (2016-2017 жж.).

•   BTS Digital директоры, BTS Education бас директоры (2018-2022 жж.)

•  Қазақстан Республикасы Парламенті Мәжілісінің депутаты (25.02.2022 - 14.06.2022 жж.).

•  ҚР Президентінің 2022 жылғы 11 маусымдағы Жарлығымен Қазақстан Республикасы Ғылым және жоғары білім министрі болып тағайындалды.

ҚР мемлекеттік сыйлықтарымен: «Құрмет» орденімен, «Ерен еңбегі үшін» медалі,  «Қазақстан астанасының 20 жылдығы» медалімен, ҚР Тәуелсіздігінің 20 жылдығына арналған медалімен, Л.Н.Гумилев атындағы Еуразия ұлттық университетінің Заң факультетінің 15 жылдығына арналған мерейтойлық медалімен, Қазақ гуманитарлық-құқықтық университеті «Құрмет белгісі» 20 жылдығына арналған мерейтойлық медалімен, KATEV халықаралық қорының 20 жылдығына арналған мерейтойлық медалімен, ҚР Президентінің, ҚР Премьер-Министрінің алғыс хаттары, «Нұр Отан» Төрағасының Бірінші орынбасары, Америка Құрама Штаттарының Білім және мәдениет жөніндегі Хатшысының алғыс хаттарымен марапатталған.

Қазақ, орыс, ағылшын, түрік, итальян, испан, жапон және латын тілдерінде сөйлейді.

Үйленген. Үш баласы бар.