Асылов Б.Н.

ҚР Бас Прокуроры

Асылов Берік Ноғайұлы, 1964 жылы 28 ақпанда Жамбыл облысында дүниеге келген.

Еңбек жолын Алматы қаласы Алатау ауданы прокуратурасының стажер қызметінен бастаған.

1992-2001 жылдар аралығында Алматы қаласы Алатау ауданы прокуратурасының аға тергеушісі, Қазақстан Республикасы Бас прокуратурасы жанындағы аса маңызды істер жөніндегі тергеуші және аға тергеуші, Алматы авиациялық көлік прокурорының орынбасары, Бас прокуратураның жедел-іздестіру қызметінің заңдылығын қадағалау жөніндегі бөлімінің бастығы лауазымдарында жұмыс істеді.

2001 - 2006 жылдары Оңтүстік Қазақстан облысының прокуратурасы басшылық лауазымдарында жұмыс істеді, Шымкент қаласының прокуроры, Оңтүстік Қазақстан облысы прокурорының орынбасары, содан соң бірінші орынбасары болды.

2006 жылы Батыс өңірлік көлік прокуроры, одан кейін Ақтөбе облысының прокуроры болып тағайындалды.

Қазақстан Республикасы Президентінің 2010 жылғы 28 шілдедегі өкімімен Бас Прокурордың орынбасары лауазымына тағайындалды.

2011-2017 жылдары Алматы қаласының прокуратурасын басқарды.

2017-2019 жылдары Солтүстік Қазақстан облысының прокуратурасын басқарды.

2019-2022 жылдары Бас Прокурордың бірінші орынбасары болды.

Қазақстан Республикасы Президентінің 2022 жылғы 3 наурыздағы Жарлығымен Қазақстан Республикасының Бас Прокуроры болып тағайындалды.

Сыныптық шені - 1-сыныпты мемлекеттік әділет кеңесшісі.

«Даңқ» орденінің толық кавалері. 

Үйленген, бес бала тәрбиелеп отыр.