Бүгін күллі әлемде Азаматтық авиация күні аталып өтуде

Бүгін күллі әлемде Азаматтық авиация күні аталып өтуде. Заманауи қарқынды үдерістер орын алған кезеңде бұл сала маңызды рөл атқарады. Осы ретте отандық авиация саласының қызметкерлері ұшу қауіпсіздігі деңгейін одан әрі жоспарлы түрде арттыру бойынша белсенді жұмысты жалғастыруда. 

2022 жыл отандық азаматтық авиация қызметі үшін елеулі оқиғаларға толы болды. Биыл авиаторларымыз жоғары жұмыс нәтижелеріне қол жеткізді. Жолаушылар тасымалы ұлғайып, әуе тасымалдаушылардың ұшу географиясы жылдан жылға кеңеюде. 

Биыл отандық авиакомпаниялардың флоты 10 жаңа бортпен толықтырылды. 2025 жылға дейін қазақстандық әуе кемелері паркін 51 бірлікке ұлғайтуды жоспарлап отырмыз.

Әлбетте, әрбір әуе рейсін қауіпсіз әрі жайлы етіп ұйымдастыру жұмыстарының басы-қасында саланың білікті мамандары жүреді. Авиаторларымыздың әрқайсысының қажырлы еңбегінің нәтижесінде отандастарымыз әуе тасымалы кезінде өздерін жайлы және қауіпсіз сезінеді. 

Құрметті әріптестер мен сала ардагерлері! Сіздерді Халықаралық азаматтық авиация күнімен құттықтаймын! Баршаңызға зор денсаулық, баянды бақ-береке және істеріңізге табыс тілеймін!

• 07.12.2022
• 270