Түркістанда қысқы спорт түрлері дамиды

Түркістан қаласының дамуында аса маңызды бірқатар құрылыс нысандарын аралап, жұмыс барысын бақыладым. Солардың бірі – қысқы спорт түрлеріне арналған ғимарат. Нысанның құрылысы келер жылдың көктемінде аяқталады деп жоспарлануда. Бұл ғимаратта қысқы спорт түрлерін дамыту бағытында үйірмелер ашылып, қысқы спорт түрлерімен кәсіби айналысуға мүмкіндік болады.

Одан кейін, әкімшілік-іскерлік орталығындағы көпқабатты тұрғын үйлердің жай-күйімен таныстым.

Салынып жатқан үйлердің сапасы талапқа сай болуы тиіс. Халықтың талабы мен сұранысына жауап беруі керек. Бұл – өте маңызды. Құрылыс материалдарының сапасына мән беру керек. Үйлердің айналасын абаттандыру да аса маңызды. Балаларға арналған алаңдардың сапасы мен қауіпсіздігі – басты назарда. Сейсмикалық төзімділігі қатаң қадағалауда болуы міндетті. «Мұз сарайы» да өз уақытында салынып, елге қызмет көрсетуі қажет. Өңірде спортты дамытуға да қолайлы жағдай жасалады.

Жыл басынан бері жаңадан салынған 42 көпқабатты үй пайдалануға берілді. Яғни, несиемен және кезекте тұрған 2 мыңнан астам отбасы баспаналы болды. Жыл соңына дейін тағы 11 көпқабатты тұрғын үй құрылысы толық аяқталып, 725 пәтер пайдалануға берілмек.

Жауапты басшыларға құрылыс жұмыстарының сапасын қатаң бақылауды, инженерлік-инфрақұрылым жүйелерінің құрылысы мен абаттандыру жұмыстарын ширатуды тапсырдым.

• 09.12.2022
• 252