«Дінмұхамед Ахметұлы Қонаев және оның дәуірі» танымдық конференциясы өтті

Түркістанда мемлекет және қоғам қайраткері Дінмұхамед Қонаевтың 110 жылдығына арналған «Дінмұхамед Ахметұлы Қонаев және оның дәуірі» танымдық конференциясы өтті.

Қазақ халқының жарқын болашағы үшін аянбай еңбек тұлғалардың бірі – Дінмұхамед Ахметұлы Қонаев. Парасаты биік тұлға ұлтқа қызмет етудің үлгісін көрсете білді. Көркем мінезімен, қарапайым болмысымен, аңызға айналған адалдығымен ел жүрегінде мәңгі қалды. Жоғары жауапкершілік пен терең білімінің арқасында өнеге болған еңбек жолында халықтың қолайлы өмір сүруіне мүмкіндік тудырды. Сол уақыттарда да біздің өңірге де өзгеше серпін беріп, игілікті істер атқарды. Дінмұхамед Ахметұлы Түркістанға келген сайын Ясауи кесенесіне барып құран бағыштауды әдетке айналдырған екен. Бүгінгі Түркістанды дамыту жұмыстары сол уақыттардағы қасиетті қаламызға деген ерекше қамқорлықтың заңды жалғасы деп білемін. Сондықтан бұл шараның қасиетті қаламыздың төрінде өтуі – заңдылық.

Жиында қоғам қайраткерінің мемлекетті дамыту жолында атқарған істері, азаматтық болмысы кеңінен сөз болды.

Елге көшбасшы болған азаматтың ел есінде мәңгі сақталады.

• 09.12.2022
• 260