Семей полигонынан зардап шеккендерге көмек

 Өткенде ғана Абай облысының халқымен кездестім. Қойылған сұрақтардың 90%-ы экологияға зиянын тигізген Семей ядролық сынақ полигоны, тұрғылықты халықтың денсаулығы, әлеуметтік төлемдер және т.б. қатысты.

Министрлік осыны ескере отырып, Еңбек және халықты әлеуметтік қорғау министрі Дүйсенова Т.Б., Энергетика министрі Ақшолақов Б.О., ҚР Парламент Мәжілісі депутаты Милютин А.А., Денсаулық сақтау вице-министрі Сұлтанғазиев Т.С., Абай облысының «Комитет полигон-21» қоғамдық бірлестігінің бастамашыл тобы қатысуымен жиналыс өткізіп, мәселелерді қарастырды.

Әр ведомствоның, сондай-ақ қоғамдық бірлестік белсенділерінің ұстанымдарын тыңдаған соң, үш облыста (Абай, Қарағанды, Павлодар облыстары) полигонға іргелес аумақ тұрғындарының әлеуметтік әл-ауқатының жағдайын тереңірек талдау үшін ведомствоаралық жұмыс тобын құру туралы шешім қабылданды.

• 09.12.2022
• 236