Алматыдағы ағаш кесу фактісі туралы

Кеше біз Алматыда ағаштарды жабайылықпен кесу фактісіне куә болдық. Оқиғаның қоғам ашуын тудыруы орынды. Мұндай жағдайларға жол беруге болмайды! Қазір еліміз бойынша атмосфералық ауаның ахуалын жақсарту бойынша үлкен жұмыстар жүргізілуде,Экокодекс қабылданып жатыр,Президент 2 млрд-тан астам ағаш егуге тапсырма берді.Жұрт болып жұмылып,бір мақсат жолында жұмыс істеп жатқанда, мұндай заңсыз ағаш кесу жағдайы тіптен орынсыз.Биыл Мемлекет басшысының тапсырмасымен ағаш кесуге қатысты жауапкершілікті арттыру бойынша Заңға өзгерістер енгізілгенін атап өткім келеді. Оның ішінде, 1 ағаш кесілсе, орнына 10 ағаш егу өтемақысы енгізілді, айыппұл көлемі екі есеге артты.Табиғи ресурстарымызға ұқыпты қарауға шақырамын. Бір ағаш жайқалып өсуі үшін ондаған жылдар керек. Келешегіміз - біздің экологиялық мәдениетіміздің деңгейіне тікелей байланысты.

• 24.11.2020
• 275