МҚІА төрағасы Корея Республикасы Адами ресурстарды дамыту ұлттық институты Ғылыми-зерттеу орталығының бас директорымен кездесті

Мемлекеттік қызмет істері агенттігі төрағасы Дархан Жазықбаев «Мемлекеттік қызметтегі HR: персоналды стратегиялық басқаруға көшу» форумына арнайы келген Корея Республикасы Адами ресурстарды дамыту ұлттық институты Ғылыми-зерттеу орталығының бас директоры Чун Джи Юнмен кездесті.

МҚІА төрағасы мемлекеттік орган қызметінің негізгі бағыттарына тоқталып, мемлекеттік қызмет саласын жетілдіруге бағытталған жұмыс барысымен бөлісті.

Кездесу барысында HR-ді одан әрі дамыту және цифрландыру, мемлекеттік қызметшілерді қашықтықтан оқыту мәселелеріне басты назар аударылды. Шетелдік қонақ Корея Үкіметіндегі персоналды басқару тәжірибесімен бөлісіп, Қазақстанда бұл бағытта жасалып жатқан қадамдар мемлекеттік қызметтің дамуы үшін маңызды екендігін атап өтті.

Кездесу соңында тараптар адами ресурстарды дамыту, осы салада зерттеу жұмыстары бойынша өзара ынтымақтастықты одан әрі нығайтуға дайын екендіктерін білдірді.

• 12.12.2022
• 253