- Блогтар
- Элиманов Ж.Қ.
Элиманов Ж.Қ.
ҚР ҚМ қаржы мониторингі комитетінің төрағасы
Қылмыстық кірістерді заңдастыру мен терроризмді қаржыландыруға қарсы іс-қимыл жөніндегі Еуразиялық топтың 33-ші Пленарлық отырысы
2020 жылдың 19-20 қарашасында ЕАТ-қа мүше-мемлекеттері – Беларусь Республикасы, Үндістан, Қытай Халық Республикасы, Қырғыз Республикасы, Ресей Федерациясы, Тәжікстан Республикасы, Түркменстан және Өзбекстан Республикаларының делегацияларымен бірге Қылмыстық кірістерді заңдастыру мен терроризмді қаржыландыруға қарсы іс-қимыл жөніндегі Еуразиялық топтың 33-ші Пленарлық отырысына қатыстым.
Іс-шара барысында ЕАТ хатшылығының өзара бағалауға дайындық шеңберінде Қазақстан Республикасына техникалық көмек көрсету туралы есебін тыңдадық. Бүгінгі таңда Қазақстанның КЖ/ТҚҚ саласындағы халықаралық стандарттарға сәйкестікке өзара бағалаудың 2-раундын сәтті өтуіне техникалық көмекті Азиялық Даму банкі, Есірткі және қылмыс жөніндегі БҰҰ басқармасы, Ресей Федерациясының қаржы мониторингі федералды қызметі (Росфинмониторинг), сондай-ақ, Қаржы мониторингінің халықаралық оқу-әдістемелік орталығы көрсетіп келеді.
Пленарлық отырыс шеңберінде ЕАТ мүше-мемлекеттерінің өкілдерімен бірлесіп, ЕАТ сарапшыларының тізбесін қалыптастыру туралы тұжырымдық құжатты бекіттік. Бұл КЖ/ТҚҚ саласында қысқа мерзімді және шұғыл жобаларды орындау үшін ең білікті мамандарды тиімді әрі уақтылы іріктеуге мүмкіндік береді.
Іс-шараның қорытындысы бойынша отырыстың барлық қатысушылары жеке сектормен өзара әрекеттесуді кеңейтуге мүдделі екендігін білдіріп, Халықаралық комплаенс кеңесі жұмысының негізгі принциптерін бекітті.
ЕАТ-тың келесі 34-ші Пленарлық отырысы 2021 жылдың мамыр айында Тәжікстан Республикасында өтеді.
- 24.11.2020
- 321