Әбілқасымова М.Е.
ҚР Қаржы нарығын реттеу және дамыту агенттігінің төрайымы
ХВҚ және Дүниежүзілік банк ҚР қаржы секторына бағалау жүргізеді
Ағымдағы жылғы 7 желтоқсанда Агенттік Төрағасының Халықаралық валюта қоры (ХВҚ) және Дүниежүзілік банк өкілдерімен кездесуі өтті. Аталған кездесу Қазақстан Республикасының қаржы секторын бағалау бағдарламасы (FSAP) шеңберінде өткізілді.
FSAP ХВҚ-мен және Дүниежүзілік банкпен бірлесіп жүзеге асырылады және қаржы секторының тұрақтылығы мен сенімділігін бағалау және оның ел экономикасының өсуі мен дамуына қосқан әлеуетті үлесін бағалау сияқты екі негізгі бағыт бойынша елдің қаржы секторын жан-жақты және терең талдауды білдіреді.
ХВҚ «Жүйелік маңызды қаржы секторы бар юрисдикциялар» (G20 елдері, Малайзия, Колумбия, Сингапур, Жаңа Зеландия және т.б.) ретінде анықтаған 47 ел үшін FSAP бағалауынан өту міндетті болып табылады. Қалған елдерде FSAP биліктің сұранысы бойынша 5-7 жылдық кезеңділікпен жүзеге асырылады.
Кездесу барысында FSAP Зерттеу миссиясының (Scoping Mission) өкілдері бағалау ауқымы мен бағыттарын анықтау бойынша Агенттік өкілдерімен консультациялар өткізді. Зерттеу миссиясы аясында FSAP командасы Ұлттық Банкпен, ҚР қаржыгерлерінің қауымдастығымен, қор биржасымен, қаржы ұйымдарымен, қаржы және ұлттық экономика министрліктерімен, «Бәйтерек» ҰБХ АҚ және АХҚО-мен кездесулер өткізді.
FSAP бағалау нәтижелері бойынша ХВҚ және Дүниежүзілік банк Қазақстанның қаржы секторын одан әрі дамыту бойынша есеп және ұсынымдар беретін болады.
- 14.12.2022
- 273
