ҚМА командасы «Тіл шебері - 2022» мемлекеттік қызметшілер арасындағы республикалық байқауда 1 орын алды!

Елордада өткен конкурсқа 15 орталық мемлекеттік органның 45 мемлекеттік қызметшісі қатысты. 3 кезең барысында қатысушылардың Қазақстан тарихы және оның көрнекті тұлғалары туралы білімдері тексеріліп, оларды шешу үшін түрлі кейстік тапсырмалар берілді. Сонымен қатар, қатысушыларға берілген тақырып бойынша мемлекеттік тілде қызметтік жазбаның жобасын жазу қажет болды. Жарыста агенттіктің намысын ҚМА жас, белсенді қызметкерлері Мақпал Тілеубаева, Ілияс Ахметов, Камила Сәлімжан қорғады. Қызметкерлерімізді жеңісімен құттықтаймыз!

«Тіл шебері - 2022» байқауының мақсаты - Үш тілді жетік меңгерген мемлекеттік қызметшілер пулын құру, сондай-ақ оларды қолдау, насихаттау, мәртебесін арттыру. Конкурсты Ғылым және жоғары білім министрлігінің Тіл саясаты комитеті ұйымдастырды.

• 20.12.2022
• 291