"Алтын домбыра" өз иесін тапты

Түркістан төрінде «Алтын домбыра» республикалық ақындар айтысы өтті. Жуырда Мемлекет басшысы Қасым-Жомарт Тоқаев Түркістан облысына жұмыс сапарында Түркістанға ерекше мәртебе беру жөнінде ұсынысын айтты. Сондықтан «Алтын домбыраның» Түркі жұртының рухани төрінде өтуі – біз үшін зор мәртебе әрі заңдылық. Өздеріңізге белгілі, осыдан 4 жылдан астам уақыт бұрын өзінің тарихи тұғырына қайта қонған Түркістан қаласы жаңару мен жаңғырудың бұрын-соңды болмаған жаңа белесіне көтерілді. Айтыс ұлт қайраткері Ахмет Байтұрсынұлының 150 жылдық мерейтойына арналды. Біз осындай мәдени-рухани іс-шараларды қабылдауға әрқашан дайынбыз.
Бүгін Түркістан төріндегі 2 күнге жалғасқан «Алтын домбыра» республикалық ақындар айтысының жеңімпазы анықталды. Былтыр бұл додада жерлесіміз Бекарыс Шойбеков жеңімпаз атанған болатын. Додада әділ қазылар шешімімен Түркістан өңірінің тумасы Еркебұлан Қайназаров «Алтын домбыраның» иегері атанды. Биыл да «Алтын домбыра» Түркістан қаласында қалады. Айтыс сүйер қауым алдағы уақытта «Алтын домбыраны» Түркістандағы «Ұлы дала елі» орталығы экспозициясынан тамашалай алады. 
Аламан айтыс жеңімпазын шын жүректен құттықтаймын!

• 21.12.2022
• 300