Серік Жұманғарин: Қазақстан мен Пәкістанның ынтымақтастығы достық және өзара тиімді бағытта дамып келеді

ҚР Премьер-Министрінің орынбасары – сауда және интеграция министрі Серік Жұманғарин Пәкістан Ислам Республикасының Премьер-Министрі Шахбаз Шарифпен кездесті.

Сапар қазақстандық делегациясының 2022 жылғы 23-24 желтоқсанда Исламабадта өткен Қазақстан Республикасы мен Пәкістан Ислам Республикасы арасындағы сауда-экономикалық, ғылыми, техникалық және мәдени ынтымақтастық жөніндегі 11 бірлескен үкіметаралық комиссияның жұмысына қатысу үшін Пәкістан сапары шеңберінде өтті. Аталған іс-шара Мемлекет Басшысы Қасым-Жомарт Тоқаевтың 2023 жылы Пәкістанға сапары қарсаңында ұйымдастырылды.

Кездесу барысында Қазақстанның вице-премьері Пәкістан Премьер-Министріне жылы қабылдағаны үшін алғыс айтып, ел президенті Қасым-Жомарт Тоқаевтың атынан сәлемдесу сөздерін жеткізді. Өз кезегінде  Премьер-Министрі Шахбаз Шариф су тасқынынан зардап шеккен Пәкістан халқына көңіл айтып, көрсеткен көмегі үшін Қазақстан Президентіне алғысын білдірді. Ол екі елдің достық қарым-қатынасы күннен-күнге нығайып, сапалы жаңа деңгейге көтерілгенін атап өтті, бұған 11 үкіметаралық комиссияның жүргізілуі дәлел. Комиссия отырысының қорытындысы бойынша қабылданған шешімдерді, соның ішінде авиациялық, инвестициялық және банктік ынтымақтастық бойынша өзара түсіністік туралы үш меморандумға қол қоюды жоғары бағалады.

Тараптар агроазық-түлік, фармацевтикалық өнімдерді өзара жеткізудегі, тоқыма өнеркәсібі саласындағы өнеркәсіптік кооперациядағы ынтымақтастық мәселелерін, екі елдің транзиттік әлеуетін, оның ішінде Трансафган темір жолының құрылысын талқылады. Серік Жұманғарин Қазақстан бұл жобаны қолдайтынын және оған қатысудың әртүрлі нұсқаларын, соның ішінде материалдарды жеткізуді қарастыруға дайын екенін айтты. Тоқыма, фармацевтика өнеркәсібі, минералды тыңайтқыштар өндірісі (Engro Corporation) саласында жұмыс істейтін пәкістандық өндірушілерді Қазақстан аумағында бірлескен кооперациялық жобаларды әзірлеуге қатысуға шақырды. Қазақстан вице-премьері екі елдің жемісті өзара іс-қимылы достық және өзара тиімді бағытта жалғасатынын атап өтті.

Пәкістан тарапынан қазақстандық жүктердің Оңтүстік-Шығыс Азия нарықтарына транзиті үшін теңіз порттарының әлеуетін қарастыру ұсынылды.

• 26.12.2022
• 191