Осы күндері балаларымызға арнап шырша мерекесін өткізіп жатырмыз.

Мемлекет басшысының атынан шырша тойына 200 бала шақырту алды. Олардың арасында жетім балалар, ерекше қажеттіліктері бар балалар, ата-анасының қамқорлығынсыз қалған, әлеуметтік аз қамтылған және көпбалалы отбасылардың балалары, сол сияқты оқуда, спортта, шығармашылықта және т.б. жетістіктерге жеткен дарынды, талантты балалар бар.
Балаларымызға арнап түрлі шоу-қойылымдар ұйымдастырылды, сондай-ақ олардың киім сатып алуы үшін сыйлық ретінде арнайы сертификат табысталды. Балаларға арналған шырша мерекесін аудандық әкімдіктер де ұйымдастырып жатыр.
Әр отбасыға, әрбір балаға зор денсаулық, бақыт, табыс тілеймін. Биыл балалар жылы деп жарияланды. Мемлекет балаларымыз бен олардың ата-аналарына тиісті деңгейде жағдай жасау үшін аянбай еңбек етіп жатыр.
Еліміздің ертеңгі болашағы – бүгінгі балаларымыздың қолында. Балалар жыл бойы еңбектенді, оқуда озат болды. Бүлдіршіндердің тілектерінің орындалуын, алға қойған жоспарлары мен армандарының жүзеге асуын тілеймін. Келе жатқан Жаңа жыл мерекесі құтты болсын!

• 27.12.2022
• 219