Төлеби ауданында 60 отбасы баспаналы болды

Тәуелсіздік күні мерекесі мен Төлеби ауданының құрылғанына 90 жыл толуына орай аудан орталығы Леңгір қаласында 3 тұрғын үй пайдалануға берілді. Бүгін сол үйлерден 60 отбасы баспаналы болды. Биыл тағы 120 отбасыға әлеуметтік баспана берілген еді. Осының бәрі – халықтың әл-ауқатын арттыруға бағытталған салиқалы саясаттың жемісі. Мемлекет басшысы тұрғындарды баспанамен қамтуды басты назарда ұстайды. Ел Президенті Қасым-Жомарт Тоқаев ауылдарды дамыту жөнінде тапсырмасы аясында жұмыстар жалғасады. 
Төлеби ауданының құрылғанына 90 жыл толуына орай аудан орталығында Төле би бабаның еңселі ескерткіші ашылды. «Тұғыры биік Төлеби» атты мерекелік жиында Төлеби ауданының тарихы дәріптеліп, тарихи тұлға туралы деректер айтылды. Ақсу, Сайрамсу, Бадам өзендері ағып өтетін Төлеби – тарихи мұраларымызға өте бай өлке. Түркістан облысындағы ең биік нүкте – Сайрам шыңы осы ауданда орналасқан. Өлкеде 100-ден астам археологиялық, архитектуралық және тарихи ескерткіштердің орны белгіленген. Ауданнан табылған мәдени ошақтар ашық аспан астындағы мұражайға айналып отыр. Төлебиде туризмді, ауыл шаруашылығын және кәсіпкерлікті дамытуға толық мүмкіндіктер бар. Біз осы бағытта жұмысты күшейтеміз.

• 27.12.2022
• 193