Қазақстан Республикасы Сыртқы істер министрлігінің қызметі мәселелері жөніндегі Қоғамдық кеңестің отырысында СІМ-нің 2022 жылғы жұмысының қорытындылары және кеңес комитеттерінің 2023 жылға арналған жұмыс жоспарлары талқыланды

Астана, 2022 жылғы 26 желтоқсан – Қазақстан Республикасы Сыртқы істер министрлігінің қызметі мәселелері жөніндегі Қоғамдық кеңестің отырысында СІМ-нің 2022 жылғы жұмыс қорытындылары және кеңес комитеттерінің 2023 жылға арналған жұмыс жоспарлары туралы баяндамалар тыңдалды және талқыланды.

Биыл еліміздің сыртқы саяси ведомствосы үшін көп еңбекті әрі нәтижелі болды. Негізгі іс-шаралардың тізімін санап шығу көп уақытты алады. Осыған байланысты Сыртқы істер министрінің орынбасары Роман Василенко өз баяндамасында СІМ қызметінің негізгі қорытындыларын атап өтіп, Қазақстанның сыртқы саясатының басымдықтары шекаралардың периметрі бойынша қауіпсіздік пен тұрақтылықты қамтамасыз ету, Қазақстанның өңірлік және жаһандық саясат субъектісі ретіндегі рөлін арттыру, шетелде ұлттық мүдделерді қорғау және қамтамасыз ету болып қалғанын атап өтті. Мемлекет басшысы өзінің инаугурациялық сөзінде мәлімдегендей, халықаралық турбуленттілік жағдайында Қазақстан теңгерімді, көпвекторлы және сындарлы сыртқы саясатты ұстанады.

Дипломаттың баяндамасында Министрліктің барлық бөлімшелерінің арасында азаматтармен өзара іс-қимыл бойынша ең көп жасайтын консулдық қызмет жұмысына ерекше назар аударылды. 2022 жылы визасыз елдердің тізімі әр түрлі төлқұжаттар үшін 80 мемлекетке дейін өсті, оның ішінде 26-сы жалпыазаматтық паспорттар үшін.

СІМ қызметі мәселелері жөніндегі Қоғамдық кеңестің жаңартылған құрамында Парламент Мәжілісінің депутаты Айгүл Құспан төрағалық етеді. Сыртқы экономикалық қызмет, адами өлшем, талдамалық қамтамасыз ету, имидждік және сыбайлас жемқорлыққа қарсы жұмыс мәселелерін қарайтын бес комитет – тұрақты жұмыс органдары құрылды. Оларға сарапшылар мен азаматтық қоғамдастықтың көрнекті өкілдері кірді.

Кеңес комитеттерінің төрағалары алғашқы отырыстардың қорытындылары және алдағы жылға арналған жоспарлар туралы баяндады.

Жанды пікірталас барысында комитеттердің одан әрі жұмысы бойынша нәтижелі пікір алмасу өтті. Кеңес мүшелері СІМ-нің өз жұмысының сапасы мен тиімділігін арттыру үшін қоғамдық кеңеспен тығыз ынтымақтастыққа мүдделілігін құптады.

• 28.12.2022
• 209