«ҚазМұнайГаз» ұлттық компаниясы» АҚ-тың IPO-сы сәтті аяқталды

ҚР Қаржы нарығын реттеу және дамыту агенттігі IPO-ның барлық қатысушыларын: инвесторларды, эмитенттерді, андеррайтерлерді, брокерлерді, сондай-ақ "KASE" Қазақстан қор биржасын және Astana International Exchange (AIX) осындай ірі жобаның сәтті іске асырылуымен құттықтайды.

Жергілікті қор нарығының инфрақұрылымы өзінің тиімділігін тағы бір рет дәлелдеді. Инвесторлардың көпшілігі өз өтінімдерін Қазақстан қор биржасының алаңында орналастырғанын мақтанышпен атап өтуге болады, оған 137,5 млрд теңге тартылды, бұл осы IPO шеңберінде инвесторлардың қанағаттандырылған өтінімдерінің жалпы көлемінің 89%-н құрайды.

ҚМГ-ның KASE-дегі жай акцияларына жазылу барысында инвесторлардан жалпы сомасы 141,8 млрд теңгеге 121 770 өтінім түсті. «Самұрық-Қазына» ҰӘҚ» АҚ атынан сатушы акционер жиынтық көлемі 137,5 млрд теңгені құраған барлық өтінімді қанағаттандыру туралы шешім қабылдады. Бұл ретте жеке және заңды тұлғалар берген барлық өтінім толық көлемде қанағаттандырылды, институционалдық инвесторлардың өтінімдері ішінара қанағаттандырылды.

ҚМГ акцияларын орналастыру жергілікті инвесторлардан тартылған инвестициялар сомасы және қатысқан инвесторлар саны бойынша Қазақстан Республикасында рекордтық көрсеткіш болды.

Жеке тұлғалардың шоттарына орналастыру нәтижелері бойынша 70,1 млрд теңге сомасына (KASE-де орналастыру көлемінің 51,0%-ы), заңды тұлғаларға – 12,1 млрд теңге сомасына (орналастыру көлемінің 8,8%-ы), институционалдық инвесторлар берген, қанағаттандырылған өтінімдер көлемі 55,3 млрд теңгені (орналастыру көлемінің 40,2%-ы) құрады.

Бұл IPO-ның жетістігі жеке компанияларды қажетті инфрақұрылымның, заңнамалық базаның және инвесторлардың айтарлықтай көп болуын ескере отырып, қор нарығына белсенді шығуға ынталандырады.

• 28.12.2022
• 178